ءبىلىم • 23 قازان، 2021

بالاباقشالاردا بالانى دامىتۋدىڭ جاڭا مودەلى ەنگىزىلەدى

96 رەت كورسەتىلدى

2025 جىلعا قاراي بارلىق مەكتەپكە دەيىنگى ۇيىمداردا بالا دامۋىنىڭ جاڭا مودەلى ەنگىزىلەتىن بولادى. وقىتۋ ءپرينتسيپى ويىن ارقىلى جۇرگىزىلەدى، دەپ حابارلايدى Egemen.kz.

مەملەكەت باسشىسىنىڭ تاپسىرماسى بويىنشا 2025 جىلعا قاراي 3 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ 100%-عا جەتۋى ءتيىس.

«بالالار ءارتۇرلى جولدارمەن دامي الادى، ويتكەنى بالالار ءارتۇرلى، بىرەۋ تەزىرەك وقۋدى ۇيرەنەدى، بىرەۋ باياۋ جۇرەدى. ارينە، بارىنە ءبىر ولشەممەن قاراۋ دۇرىس بولماس ەدى، سوندىقتان ءبىلىم بەرۋ باعدارلامالارىنىڭ مازمۇنىنا دەگەن كوزقاراس وزگەرۋدە»، دەيدى ءبىلىم جانە عىلىم ءمينيسترى اسحات ايماعابەتوۆ.

مۇمكىندىگىنشە كوپ بالا مەكتەپكە دەيىنگى بىلىممەن قامتىلۋى ءۇشىن بالالار ۇيىمدارىنىڭ جەلىسى جەكە مەنشىك يەلەرىنە مەملەكەتتىك تاپسىرىستى ورنالاستىرۋ ارقىلى دامىتىلاتىن بولادى.

ءبىلىم ءمينيسترىنىڭ ايتۋىنشا، بولجام بويىنشا 2025 جىلعا قاراي مەكتەپ ورىندارىنا دەگەن قاجەتتىلىك تە ارتادى. وسىعان بايلانىستى، رەسپۋبليكادا 1000 جاڭا مەكتەپ سالۋ جوسپارلانۋدا، وعان 100 مىڭعا جۋىق جاڭا پەداگوگ قاجەت بولادى.

ء«بىز 1000 مەكتەپتىڭ قۇرىلىسى تۋرالى ايتقاندا، بۇل قۇرىلىستىڭ ءوزىن عانا ەمەس، كادرلاردى دايارلاۋ مەن بىلىكتىلىكتى ارتتىرۋدى، مەكتەپتەردى جابدىقتاۋدى جانە ۇلگىلىك جوبالار ماسەلەلەرىن دە قامتيتىن كەشەندى ماسەلە دەپ ايتامىز»، دەدى ايماعامبەتوۆ.

اسحات ايماعامبەتوۆ 2022 جىلدان باستاپ پەداگوگيكا، IT - سالاسى جانە تەحنيكالىق ءبىلىم بەرۋ باعىتتارى بويىنشا ەكى ەسە كوپ گرانت بولىنەتىنىن ايتتى. 9 سىنىپ تۇلەكتەرىن تجكب-مەن 100% قامتۋدى قامتاماسىز ەتۋ، سونداي-اق 20 قۇزىرەتتىلىك ورتالىعىن قۇرۋ جانە كوللەدجدەردى ماتەريالدىق تەحنيكالىق بازامەن جاراقتاندىرۋ جوسپارلانۋدا.

«جوعارى جانە جوعارى وقۋ ورنىنان كەيىنگى ءبىلىم بويىنشا دا ناقتى مىندەتتەر تۇر. اكادەميالىق ارتىقشىلىقتىڭ 20 ورتالىعى، نازارباەۆ ۋنيۆەرسيتەتىنىڭ تاجىريبەسى بويىنشا ەكى وڭىرلىك ۋنيۆەرسيتەت قۇرىلاتىن بولادى، سونداي-اق شەتەلدىك جوعارى وقۋ ورىندارى مەن كامپۋستاردىڭ بەس فيليالىن اشۋ كوزدەلۋدە»، دەپ اتاپ ءوتتى مينيستر.

سوڭعى جاڭالىقتار

ۇقساس جاڭالىقتار