الەۋمەتتىك جەلىلەردە ساتباەۆتا بولعان جول-كولىك وقيعاسىنىڭ ۆيدەوسى پايدا بولدى. كادرلاردا جۇك كولىگىنىڭ جۇرگىزۋشىسى باياۋ قوزعالعانىن كورۋگە بولادى. الايدا جۇرگىزۋشى اۋىر كولىكتى دەر كەزىندە توقتاتا الماي, ادامدى قاعىپ كەتكەن. جاياۋ جۇرگىنشى العان جاراقاتتارىنان قايتىس بولدى.
«بۇل جۇرگىزۋشى جىلدامدىقتى اسىرماعان, الايدا كولىك قۇرالى مەن جۇكتىڭ ەرەكشەلىكتەرىن ەسەپتەمەگەن جانە ۋاقتىلى تەجەۋ شارالارىن قولدانباعان جاعدايدى كورىپ وتىرمىز. جول قوزعالىسى ەرەجەلەرىندە جۇرگىزۋشى قوزعالىس قارقىنىن, كولىك قۇرالى مەن جۇكتىڭ ەرەكشەلىكتەرى مەن جاي-كۇيىن, جول جانە مەتەورولوگيالىق جاعدايلاردى ەسكەرە وتىرىپ, كولىكتى شەكتەۋدەن اسپايتىن جىلدامدىقپەن جۇرگىزۋى كەرەك», دەدى قاراعاندى وبلىسى پوليتسيا دەپارتامەنتىنىڭ انىقتاۋ باسقارماسىنىڭ باستىعى الماز سالاماتوۆ.
33 جاستاعى جۇرگىزۋشىگە قاتىستى قىلمىستىق ءىس سوتقا بەرىلدى. قك-ءنىڭ 345-بابى 3-بولىگى كىنالىنى 5 جىلعا دەيىن باس بوستاندىعىنان ايىرۋدى قاراستىرادى.
