جەتىساي اۋداندىق پب-عا جەرگىلىكتى تۇرعىن ارىزداندى. وندا جابىرلەنۋشى ەر ادام, وزىنە تيەسىلى ەسەپشوتتارىنىڭ بارلىعى بۇعاتتالعانىن, ال بانكتەردەن سەبەبىن سۇراعانىندا تولەنبەي قالعان نەسيەسى بارىن بىلەدى.
اتالعان جايتتى پوليتسەيلەر قك-ءنىڭ 190-بابى (الاياقتىق) بويىنشا تىركەدى. ورىن العان الاياقتىق قىلمىسىن تەز ارادا اشىپ, كۇدىكتىنى قۇرىقتاۋ ماقساتىندا اۋداننىڭ پوليتسەيلەرىنەن ارنايى توپ قۇرىلىپ, جۇمىس ىستەگەن.
«ونىڭ ىشىندە جەتىساي اپب كپب قىزمەتكەرى عاني كالەنوۆ ەكى تاۋلىك بويى جان-جاقتى ىزدەستىرۋ شارالارىن جۇرگىزدى. ناتيجەسىندە پوليتسەيلەر, كۇدىكتىنى شىمكەنت قالاسىنداعى جالدامالى پاتەرلەردىڭ بىرىنەن ۇستادى. ول بۇرىن بانكتەردىڭ ءبىرىنىڭ نەسيە جونىندەگى مەنەدجەرى بولىپ جۇمىس ىستەگەن جەرگىلىكتى تۇرعىن بولىپ شىقتى. بەلگىلى بولعانداي كۇدىكتى ازامات ءوزىنىڭ قىزمەتىن اسىرا پايدالانىپ, تاۋىپ العان جابىرلەنۋشىنىڭ جەكە كۋالىگىن پايدالانا وتىرىپ, 2007 جىلى نەسيە راسىمدەگەن. ياعني 89 مىڭ تەڭگەگە تەلەديدار الىپ, تاۋارلىق نەسيە كەلىسىم-شارتىن جاساپ, ءوزى جابىرلەنۋشىنىڭ اتىنان قول قويىپ جىبەرگەن», دەلىنگەن پد ءباسپاسوز قىزمەتى تاراتقان حابارلامادا.
وسىلايشا 14 جىل بۇرىن جاسالعان قىلمىس پوليتسەيلەردىڭ كاسىبي شەبەرلىگى ارقاسىندا اشىلىپ, كۇدىكتى قۇرىقتالدى.
