ساياسات • 21 قازان، 2021

ەل قورعانىسىن نىعايتۋداعى جاڭا تاسىلدەر مەن مىندەتتەر

108 رەت كورسەتىلدى

قازاقستان كورشىلەس ەلدەرمەن بەرىك دوستىق قارىم-قاتىناس ورناتىپ، الەمنىڭ جەتەكشى دەرجاۆالارىمەن سەنىمدى ارىپتەستىكتى رەتتەدى. بۇل رەتتە جاۋىنگەرلىك قابىلەتى جوعارى قۋاتتى ارميا ەل قاۋىپسىزدىگىنىڭ ماڭىزدى كەپىلدى قورعانى ەكەنى انىق.

قارۋلى كۇشتەر زامان تالابىنا ساي مەملەكەتتىڭ ەگەمەندىگى مەن اۋماقتىق تۇتاستىعىن، حالقىنىڭ ۇلتتىق مۇددەسىن قورعاۋعا ارقاشان دايىن بولۋعا ءتيىس. مۇنىڭ ءبارىن ەل باسشىلىعى كەلەشەكتە ارميانى دامىتۋدى جوسپارلاۋ كەزىندە ۇدايى ەسكەرىپ وتىرادى.

قازاقستان پرەزيدەنتى قاسىم-جومارت كەمەل ۇلى توقاەۆ ون ۇلت­تىق جوبانى بەكىتتى. وسى تىزبەگە «قاۋىپسىز ەل» ۇلتتىق جوباسى دا كىردى. اتالعان جوبا باعىتىنىڭ ءبىرى – «قارۋلى كۇشتەردى جاڭعىرتۋ».

ۇلتتىق جوبانى ىسكە اسىرۋ قا­رۋ مەن وق-دارىلەردى ساقتاۋ قاۋىپ­سىزدىگىن، وتاندىق قورعانىس ونەر­كاسىبى كەشەنى كاسىپورىندارىندا قارۋ-جاراقتىڭ تاجىريبەلىك ۇل­گى­لەرىن شىعارۋدى، سونداي-اق اسكە­ري وبەكتىلەردى جەتىلدىرۋدى قام­تا­ماسىز ەتەدى.

قازاقستاننىڭ تۇڭعىش پرە­زي­­دەنتى – ەلباسى نۇرسۇلتان ءابىش­­ ۇلى نازارباەۆ قاۋىپسىزدىك كەڭە­سىنىڭ كەزەكتى وتىرىسىندا قازىر­گى زامان بولمىسىندا اسكەري قۇرىلىستا جانە قارۋلى كۇش­تەر­دىڭ كەلبەتىن ايقىنداۋدا جاڭا تاسىل­دەردى ازىرلەۋ قاجەت ەكەنىن اتاپ ءوتتى. اسيم­مەت­ريا­لى جانە گيبريدتى سىن-قا­تەرگە توي­تارىس بەرۋگە دايىن بو­لۋ، اسكەري پرو­تسەستى باسقارۋدا جاڭا تەحنولوگيانى ەنگىزۋ جانە اۆتوماتتاندىرۋ – وسىنىڭ بارلىعى بۇگىندە ەرەكشە ماڭىزدى بولىپ وتىر.

اسكەري باسقارۋدى ورتالىق­تان­دىرۋ، اۆتوماتتاندىرىلعان باس­قارۋ جۇيەلەرىن ورىستەتۋ، سون­داي-اق مەم­لەكەتتىك ورگان­داردىڭ اقپا­رات­تىق جۇيە­لەرىن ينتەگراتسيالاۋ ءۇشىن قابىل­دا­نا­تىن ءىس-شارالار مۇددەلى ۆە­دوم­ستۆو­لاردىڭ وكىلدەرىمەن تالقى­لاندى.

قارۋلى كۇشتەردە اقپا­رات­­تان­دىرۋ جانە اقپاراتتىق-كوم­مۋ­ني­كا­تسيالىق تەحنولوگيا قۇرال­دارىن پاي­دالانۋ اۋقىمىن كەڭەي­تۋ، اسكەري عى­لىمدى دامىتۋ جانە عىلىمي-ەكس­پە­ريمەنتتىك بازانى جەتىلدىرۋ ماسە­لەلەرىنە جەكە نازار اۋدارىلادى.

بۇل رەتتە سىني تۇرعىدا ويلاۋعا جانە شەشىم قابىلداۋعا قابىلەتتى، قازىرگى زامانعى ۇلگىدەگى تەحنيكامەن جانە قارۋ-جاراقپەن جۇمىس ىستەي الاتىن كادرلاردى دايارلاۋ ماسەلەسى دە وزەكتى بو­لىپ وتىر. وسى جۇمىستى كۇشەيتۋ ماقساتىندا تاۋەلسىز مەم­لەكەتتەر دوستاستىعى ەلدەرى­نىڭ جانە الىس شەتەلدەردىڭ عىلىم-ءبىلىم بەرۋ مەكەمەلەرىمەن بايلانىستى كەڭەيتۋ ماڭىزدى.

ءبىز الەمدەگى اسكەري-ساياسي احۋال­دىڭ وزگەرۋىنە كۋا بولىپ وتىر­مىز. ودان ءارى قورعانىس قابىلەتىن نىعايتۋ جونىندە شارالار قابىلداۋ قاجەتتىلىگى وڭىرلىك قاۋىپسىزدىككە تونەتىن سىن-قاتەردىڭ بار ەكەنىن اي­­قىن كورسەتەدى. قارۋلى كۇشتەر ۇز­دىك قازىرگى زامانعى اسكەري ستان­دارت­تارعا سايكەس بولۋعا ءتيىس. وسى ماقساتتا اسكەري قاۋىپسىزدىك سا­لا­­سىندا نورماتيۆتىك قۇجاتتار بە­كى­تىلدى. قازاقستان پرەزيدەنتى – جو­عارعى باس قولباسشى 2021 جىلعى تا­مىز­دا قارۋلى كۇشتەردىڭ، باسقا دا اسكەرلەر مەن اسكەري قۇرا­لىم­دار­­دىڭ قۇرىلىسى مەن دامۋ تۇجى­رىم­­داماسىن بەكىتتى. ونى ىسكە اسىرۋ مەم­لەكەتتىڭ قورعانىس قابىلە­تىن ارت­تىرۋعا، اسكەري قاۋىپ­سىزدىك­كە تونەتىن قازىرگى زامان­عى سىن-قا­تەرگە بارابار دەن قويۋعا جانە بەيبىت ۋا­قىت­تىڭ مىن­دەتتەرىن ءتيىمدى ورىنداۋعا مۇم­كىندىك بەرەدى.

 

مۇرات بەكتانوۆ،

قورعانىس ءمينيسترى،

گەنەرال-لەيتەنانت

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار