ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, قايعىلى وقيعا كەشە تۇندە مۇنايلى اۋدانىندا بولعان.
مۇنايلى اۋداندىق پوليتسيا ءبولىمىنىڭ كەزەكشى وپەراتورىنىڭ پۋلتىنە شاقىرتۋ ساعات 21:40-تا تۇسكەن. ىنتىماق كەنتىندە «يزنۋر» جانارماي بەكەتىنە قاراما-قارسى جەردە «Audi C4» اۆتوكولىگىنىڭ جۇرگىزۋشىسى جاياۋ جۇرگىنشىلەر وتكەلىنەن تىس جولدى كەسىپ وتكەن جاياۋ جۇرگىنشىنى قاعىپ كەتكەن.
«جول-كولىك وقيعاسى سالدارىنان 59 جاستاعى ەر ادام وقيعا ورنىندا العان جاراقاتىنان كوز جۇمدى. تەرگەۋ امالدارى ءجۇرىپ جاتىر», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قازىر اۆتوكولىك ايىپ تۇراعىنا قامالدى.
