وقيعا 18 قازان كۇنى بولدى. «سامارا-شىمكەنت» تاسجولىنىڭ ايتەكە بي اۋدانى, قارابۇتاق اۋىلى ماڭىندا «ۆاز-2115» اۆتوكولىگىنىڭ 30 جاستاعى جۇرگىزۋشىسى جول جوندەۋ جۇمىستارىن جۇرگىزىپ جاتقان اۋماققا كىرىپ كەتكەن. جىلدامدىقتى باسەڭدەتپەگەن جۇرگىزۋشى سول جەردە جۇمىس ىستەپ جۇرگەن 49 جاستاعى ادامدى قاعىپ كەتتى.
«كەيىن قاراما-قارسى باعىتتا تۇرعان «FAW» ماركالى اۆتوكولىككە سوقتىعىستى. جول-كولىك وقيعاسى سالدارىنان «ۆاز-2115» اۆتوكولىگىنىڭ جۇرگىزۋشىسى مەن جولاۋشىسى العان جاراقاتتارىنان وقيعا ورنىندا كوز جۇمدى. ەكىنشى جولاۋشى مەن جۇمىسشى ايتەكە بي اۋدانىنىڭ ورتالىق اۋرۋحاناسىنا جەتكىزىلدى.
اتالعان دەرەك بويىنشا قىلمىستىق كودەكستىڭ «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ» بابىمەن سوتقا دەيىنگى تەرگەپ-تەكسەرۋ باستالدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
