شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 17 قازان كۇنى كەشكى ۋاقىتتا بولعان. «وسكەمەن-شەمونايحا» تاسجولىنىڭ 52 شاقىرىمىندا «ۆاز 2109» اۆتوكولىگى مەن «ماز» ماركالى جۇك كولىگى سوقتىعىستى. جول اپاتى سالدارىنان «ۆاز 2109» كولىگىنىڭ 65 جاستاعى جۇرگىزۋشىسى مەن 63 جاستاعى جولاۋشىسى سول جەردە جان تاپسىرعان», دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 345-بابى 4-بولىگىنە (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ) سايكەس سوتقا دەيىنگى تەرگەۋ امالدارى باستالدى.
