قايعىلى وقيعا 13 قازان كۇنى ساعات 16:51 شاماسىندا «LPG Trade» گاز قۇيۋ بەكەتىنە قاراما-قارسى جولدا بولعان.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە, اقتاۋ قالاسىنان مۇنايلى اۋدانىنا بارا جاتقان «Chevrolet Cobalt» اۆتوكولىگىنىڭ جۇرگىزۋشىسى قارسى باعىتقا شىعىپ, «گازەل» جانە «Daewoo Nexia» كولىكتەرىمەن سوقتىعىسقان.
«جول اپاتى سالدارىنان «Chevrolet Cobalt« اۆتوكولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى.
سونداي-اق, زارداپ شەككەندەردىڭ بەسەۋى ماڭعىستاۋ وبلىستىق اۋرۋحاناسىنا جەتكىزىلدى», دەلىنگەن ءباسپاسوز حابارلاماسىندا. اتالعان فاكتى بويىنشا تەرگەۋ امالدارى جۇرگىزىلۋدە.
