الەم • 13 قازان، 2021

وڭتۇستىك كورەيا ۆاكتسيناتسيا سەرتيفيكاتىن بارلىق جەرگە جارامدى قىلماق

46 رەت كورسەتىلدى

وڭتۇستىك كورەيادا ۆاكتسيناتسيا سەرتيفيكاتى بارلىق جەرگە «رۇقسات قۇجاتى» رەتىندە قولدانىلماق. بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى، دەپ حابارلايدى Egemen.kz.

وڭتۇستىك كورەيا ۆاكتسيناتسيا سەرتيفيكاتىن كەز كەلگەن جاعدايعا «رۇقسات قۇجاتى» ەتۋگە نيەتتى. COVID-19 تولقۇجاتى – بۇل جاپپاي ءىس-شارالارعا، ءتۇرلى قوعامدىق ورىندار مەن مەملەكەتتىك مەكەمەلەرگە ەش شەكتەۋسىز كىرۋ قۇقىعى. وسىنداي ۇسىنىستى ۇكىمەتتىڭ پاندەميادان كەيىنگى كەزەڭگە ءوتۋ جونىندەگى كوميتەتىنىڭ وتىرىسىندا پرەمەر-مينيستر كيم بۋ گيوم ءبىلدىردى.

سونىمەن قاتار ەپيدەميولوگيالىق جاعدايدىڭ جاقسارۋىنا قاراماستان، ماسكانى مىندەتتى تۇردە تاعۋدىڭ كۇشى جويىلمايتىنى اتاپ ءوتىلدى. پاندەميا باستالعاننان بەرى وڭتۇستىك كورەيادا كوروناۆيرۋس ينفەكتسياسىنىڭ 335 742 فاكتىسى تىركەلدى.

امەريكا قۇراما شتاتتارىنىڭ ەڭ ءىرى Boeing اۆياكومپانياسى قىزمەتكەرلەرىنەن ۆاكتسينا العاندارىن راستاۋدى تالاپ ەتتى. كومپانيا باسشىلىعى امەريكالىق مەردىگەرلەر ءۇشىن اقش پرەزيدەنتى دجوزەف بايدەن شىعارعان بۇيرىقتى ۇستاناتىنىن ءتۇسىندىردى. قۇجاتقا سايكەس، قىزمەتكەرلەرىنىڭ جالپى سانى 100-دەن اساتىن كومپانيالار ءوز قىزمەتكەرلەرىنەن COVID-19-عا قارسى ۆاكتسيناتسيانى تالاپ ەتۋى كەرەك.

ۇشقىشتار، ستيۋاردەسسالار جانە قىزمەتكەرلەر جۇمىستى جالعاستىرۋ ءۇشىن 8 جەلتوقسانعا دەيىن ۆاكتسيناتسيا سەرتيفيكاتتارىن نەمەسە مەديتسينالىق انىقتاما ۇسىنۋى قاجەت.

 

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار