قازاقستان • 13 قازان، 2021

5G قۇپيا قارۋ ەمەس پە؟

218 رەت كورسەتىلدى

الەۋمەتتىك جەلىلەردە قازاقستاندا ادامداردى ءولتىرۋ ءۇشىن 5G باعانالارى ورناتىلۋدا دەگەن  اقپارات تارادى، دەپ حابارلايدى Egemen.kz Stopfake.kz سايتىنا سىلتەمە جاساپ.

الەۋمەتتىك جەلى قولدانۋشىلارى 5G تەحنولوگياسى تۋرالى جالعان تەوريالاردى تاراتۋدى جالعاستىرىپ وتىر.

بۇگىندە TikTok الەۋمەتتىك جەلىسى مەن Telegram مەسسەندجەرىندە ۇيالى بايلانىس باعانالارى تۋرالى بەينەباياندار كوپ. ولاردا ارنايى ورناتىلعان باعانالار پلانەتا حالقىن ءبىر ميلليارد ادامعا دەيىن ازايتۋ ءۇشىن قولدانىلادى دەپ ايتىلعان.

5G تەحنولوگياسى – بۇل ادامداردى جاپپاي قىرىپ-جويۋ قۇرالى نەمەسە قۇپيا قارۋ ەمەس، تەك جوعارى وتكىزۋ قابىلەتتىلىگىمەن ەرەكشەلەنەتىن جانە الەم بويىنشا ادامدارعا جىلدام جانە تۇراقتى عالامتور بايلانىسىن قامتاماسىز ەتەتىن جاڭا بايلانىس فورماتى.

عالىمدار 5G تولقىندارىنىڭ ادام دەنساۋلىعىنا اسەرىن تەكسەرىپ، تەحنولوگيا ادامدار مەن جانۋارلاردىڭ دەنساۋلىعىنا ايتارلىقتاي زيان كەلتىرە المايدى دەگەن قورىتىندىعا كەلدى.

5G باعانالارى قاتەرلى ىسىك، اۋتيزم، COVID-19 اۋرۋلارىنا اكەلەتىن قارۋ، سونداي-اق ادامداردا ۇرەي مەن ابىگەرلىك تۋدىرۋى مۇمكىن دەگەن تەوريالار شىندىققا جاناسپايدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار