ەلىمىز تاۋەلسىزدىك العالى بابا مۇراسىن قاستەرلەپ, كەيىنگى ۇرپاققا ۇيرەتۋ باعىتىندا ەڭبەكتەنىپ جۇرگەندەر جوق ەمەس. دەسە دە, سالادا قوردالانعان ماسەلە كوپ. بۇركىتشىلىك تۋرالى ادىستەمەلىك وقۋلىق دايىنداۋ قاجەت. ءتۇرلى شارالاردا بەكزادا ونەرگە تورەشىلىك ەتىپ جۇرگەندەرگە ارناي كۋالىك تە بەرىلمەيدى. جيىندا سالا ماماندارى ساياتشىلىق ونەرىن دامىتۋعا بار ىنتا سالاتىندارىن ايتتى. اتاتلعان ماسەلەگە قاتىستى قازاقستان پرەزيدەنتىنىڭ ءباسپاسوز حاتشىسى, قۇسبەگىلىك فەدەراتسياسىنىڭ پرەزيدەنتى بەرىك ءۋالي پىكىر ءبىلدىردى.
– بۇركىتشىلەردىڭ ۇنەمى قوزعاپ جۇرگەن ماسەلەسى – ول بۇركىتتەرىن جارىستارعا بارار كەزدە پويىزبەن تاسىمالداۋى بولىپ وتىر. تەمىرجولمەن بارادى. كۋپەدە الىپ جۇرگەن كەزدە جولسەرىكتەر ەرەجەدە جوق دەپ ءتۇسىرىپ تاستايدى ەكەن. ولاردىڭ ەرەجەسى بويىنشا بۇركىتتى تورعا سالىپ ءجۇرۋ كەرەك ەكەن. ال بۇركىتتى تورعا سالسا, ول ۇشا الماي قالادى. بىلايشا ايتقاندا توماعا, بالداعىمەن تورسىز-اق الىپ جۇرۋگە ىڭعايلى. بۇل ماسەلە شەشىلەدى دەپ ويلايمىن, - دەدى قۇسبەگىلىك فەدەراتسياسىنىڭ پرەزيدەنتى بەرىك ءۋالي.
