الماتى قالالىق پوليتسيا دەپارتامەنتى بۇل جاعدايدىڭ 7 قازان كۇنى, ساعات 18.50 كەزىندە بولعانىن حابارلادى.
«Volkswagen Passat» ماركالى اۆتوكولىكتىڭ جۇرگىزۋشىسى تاشكەنت جولىنىڭ بويىمەن شىعىس باعىتتا كەلە جاتىپ, نۇرلى كوشەسىمەن قيىلىستا جاياۋ جۇرگىنشىنى قاعىپ كەتكەن. ول ءجۇرىس بولىگىن وڭتۇستىك باعىتتا, بەلگىلەنبەگەن جەرمەن ءوتىپ بارا جاتقان.
«جول كولىك وقيعاسى سالدارىنان العان جاراقاتتان 1944 جىلعى ازامات وقيعا ورنىندا كوز جۇمدى. قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەۋ باستالدى», دەدى الماتى قالاسى پد انىقتاۋ باسقارماسىنىڭ باستىعى, پوليتسيا پودپولكوۆنيگى ولجاس ءشارىپوۆ.
