«باتىس ەۋروپادا, امەريكا قۇرلىعى مەن ازيا ەلدەرىندە جاڭا مۋتاتسياعا ۇشىراعان شتامدار انىقتالۋدا. سوعان بايلانىستى جاڭا تولقىندار باستالىپ جاتىر. بۇكىل الەمدى الاڭداتقان «دەلتا» شتامى ءبىر ەلدەرگە ەرتە, ءبىر ەلدەرگە كەشىگىپ كەلە جاتىر. ءبىزدىڭ قالامىزعا كەلەر بولساق, كوكتەمدە ءۇشىنشى تولقىنى ءوتتى. ونىڭ سەبەبى – «الفا» شتامى. قازىر ءبىز ءتورتىنشى تولقىننان شىقتىق. سوندىقتان ءبىزدىڭ ويىمىزشا, كەلەشەكتە تولقىن دەڭگەيىندە اۋرۋشاڭدىقتىڭ كوتەرىلۋى مۇمكىن ەمەس», دەدى جانداربەك بەكشين.
ونىڭ سوزىنشە, قالادا اۋا رايىنىڭ سۋىتۋىنا بايلانىستى اۋرۋشاڭدىق دەڭگەيى ازداپ كوتەرىلۋى مۇمكىن. سەبەبى كوپ تۇرعىن جابىق عيماراتتا جۇمىس ىستەيدى. جالپى بۇل ماسەلە قاتاڭ باقىلاۋدا.
