شارانىڭ رەسمي اشىلۋ سالتاناتى 12 قازان, ساعات 17:00-دە اقتاۋ قالاسىنداعى 15-شاعىن اۋداندا ورنالاسقان «امفيتەاتردا» ۇيىمداستىرىلادى.
ويىندارعا قازاقستاننىڭ 14 وبلىسىنان كەلگەن 2000-نان استام سپورتشى قاتىسادى. ءوڭىر كوماندالارى سپورتتىڭ 14 تۇرىنەن: تەڭگە ءىلۋ, جامبى اتۋ, اۋدارىسپاق, قۇسبەگىلىك, ۆولەيبول, شاعىن فۋتبول, قازاق كۇرەسى, توعىزقۇمالاق, اسىق اتۋ, گىر سپورتى, قول كۇرەس, ۇستەل تەننيسى, جازعى پرەزيدەنتتىك كوپسايىس جانە كيكبوكسينگتەن جۇلدەگە تالاسادى.
«حالىق اراسىندا بۇقارالىق سپورتتى ناسيحاتتاۋ جانە سپورتقا دەگەن تۇرعىنداردىڭ قىزىعۋشىلىعىن ارتتىرۋدى ماقسات ەتكەن اۋىل سپورتى ويىندارى العاش رەت 2000 جىلى استانا قالاسىندا وتكىزىلدى. وسىدان كەيىن «اق بيداي» ويىندارىن 2001 جىلى كوكشەتاۋ قالاسى قابىلداپ, سپورتتىڭ 17 تۇرىنەن ۇزدىكتەردى انىقتادى. 2002 جىلى كەشەندى باسەكە پەتروپاۆلدا ءوتىپ, سپورتتىڭ 19 تۇرىنەن جۇلدە ۇلەستىرىلدى. قازىر «اق بيداي» وليمپيادا جۇيەسى بويىنشا, ياعني ءتورت جىلدا ءبىر رەت وتەدى. الدىڭعى, 2017 جىلعى جارىستاردى اقتوبە وبلىسى قابىلداعان», دەپ جازادى مادەنيەت جانە سپورت مينيسترلىگى.
