شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, م.گوركي كوشەسىندە ورنالاسقان اكىمدىكتىڭ 5-قاباتىنداعى كابينەتتەردىڭ بىرىندە ءورت شىققان. وقيعا ورنىنا ءورت سوندىرۋشىلەر شۇعىل كەلىپ جەتتى. كوك ءتۇتىن تۇمشالاپ العان قاباتقا كوتەرىلگەندە قىزىل جالىن كىلەمدى شارپىپ جاتقان.
«قۇتقارۋشىلار جالپى اۋدانى 121 شارشى مەتردى قۇراعان ءتىلسىز جاۋدى تولىقتاي اۋىزدىقتاپ, ارى قاراي تارالۋىنا جول بەرمەدى. زارداپ شەككەن ەشكىم جوق», دەپ حابارلادى ۆەدومستۆو وكىلدەرى.
قازىرگى ۋاقىتتا ءورتتىڭ شىعۋ سەبەبى بەلگىسىز بولىپ وتىر. سوعان وراي ماماندار تەكسەرۋ جۇرگىزەتىن بولادى.
