ءماجىلىستىڭ جالپى وتىرىسىندا كاسپي تەڭىزىنىڭ تەڭىز ورتاسىن قورعاۋ تۋرالى زاڭ جوباسىن تالقىلاۋ كەزىندە دەپۋتات جاناربەك ءاشىمجانوۆ مينيسترگە مەملەكەتتىك تىلدە بىرنەشە سۇراق قويدى.
ء«بىزدىڭ رەسپۋبليكاداعى قانداي ۇيىمدار كاسپي تەڭىزىنىڭ بيولوگيالىق رەسۋرستارى بويىنشا زەرتتەۋ جۇرگىزەدى؟ مۇنداي زەرتتەۋلەرگە قانداي قارجى كوزدەرى پايدالانىلادى؟ كاسپي تەڭىزىنىڭ فلوراسى مەن فاۋناسىن زەرتتەۋ بويىنشا باسقا كاسپي مەملەكەتتەرىمەن بىرلەسكەن جوبالار مەن باعدارلامالار بار ما؟ ساۋالعا مەملەكەتتىك تىلدە جاۋاپ بەرۋىڭىزدى وتىنەمىن», دەدى دەپۋتات.
مينيستر سەرىكقالي برەكەشەۆ ساۋالعا ورىس تىلىندە جاۋاپ بەرۋگە رۇقسات سۇرادى.
«سۇراعىڭىزعا راحمەت. مەن مەملەكەتتىك تىلدە جاۋاپ بەرە المايمىن. قازاق ءتىلىن بىلمەگەندىكتەن ەمەس, ويىمدى تولىق جەتكىزە المايمىن. وسىعان بايلانىستى, رۇقسات ەتسەڭىز, ورىس تىلىندە جاۋاپ بەرگىم كەلەدى», دەدى ول
ءماجىلىس توراعاسى نۇرلان نىعماتۋلين بۇل سۇراقتىڭ سايكەسىنشە مەملەكەتتىك تىلدە قويىلعانىن جانە جاۋاپتى قازاق تىلىندە بەرۋ كەرەك ەكەنىن اتاپ ءوتتى.
ء«سىز بىزگە ءبىرىنشى رەت كەلدىڭىز. بىراق دەپۋتات وتە ورىندى ايتتى. ول مەملەكەتتىك تىلدە سۇراق قويدى, كەلەسى جولى سۇراققا مەملەكەتتىك تىلدە جاۋاپ بەرىڭىز. ءسىز پارلامەنتكە كەلدىڭىز, سۇراق قازاق تىلىندە بولدى, ءسىز قازاق تىلىندە جاۋاپ بەرۋىڭىز كەرەك. ءيا, ءسىز شەتەلدە وقىدىڭىز, شەت تىلدەرىن بىلەسىز, بىراق ءسىز ءمينيسترسىز, سوندىقتان قازاق تىلىندە سويلەۋىڭىز كەرەك», دەپ باسا ايتتى ءماجىلىس توراعاسى.
