شقو تجد ءباسپاسوز قىزمەتىنىڭ اقپاراتى بويىنشا, حابارلاما كەلىپ تۇسە سالىسىمەن ءورت ءسوندىرۋ بولىمشەسى دەرەۋ پرەدگورنوە اۋىلىنا ءورت ورنىنا شىققان. وقيعا ورنىنا كەلگەن كەزدە, 2 وتباسىنا ارنالعان جەر ءۇيدىڭ 2-پاتەرىندە شاتىردىڭ اعاش كونسترۋكتسيالارى, ۆەراندالار, جيھازدار مەن جەكە زاتتار جانىپ, كورشى پاتەردىڭ شاتىرىنىڭ اعاش كونسترۋكتسيالارىنا تارالعان.
ءورت سوندىرۋشىلەر جانىپ جاتقان ۇيدەن 3 گاز باللونىن الىپ شىقتى.
105 شارشى مەتر الاڭداعى ءورت ءسوندىرىلدى.
ءۇيدىڭ ورتەنۋىنىڭ سەبەبى – ەلەكتر جابدىقتارىن ورناتۋ جانە پايدالانۋ كەزىندە ءورت قاۋىپسىزدىگى تالاپتارىن ساقتاماۋ. ەلەكتر سىمدارىنىڭ وقشاۋلاۋى شاتىر بولمەسىندە ورنالاسقان تاراتۋ قورابىنداعى مەحانيكالىق بۇرالۋدىڭ سالدارىنان ورتەندى.
ەكىنشى وقيعا بەلوۋسوۆكا كەنتىندە بولدى. مۇندا ءورت سوندىرۋشىلەر 100 شارشى مەتر الاڭداعى ءورتتى ءسوندىردى, وتتى ابايسىز قولدانۋ سالدارىنان شارۋاشىلىق قۇرىلىستارى بلوگىنىڭ قابىرعالارى مەن شاتىرى جانىپ, ءورت تۇرعىن ءۇيدىڭ شاتىرى مەن قابىرعالارىنىڭ اعاش كونسترۋكتسيالارىنا ودان ءارى تارالدى.
ء«بىزدىڭ ازاماتتارىمىزعا ءورتتىڭ الدىن الۋ ءۇشىن ەلەكتر جەلىلەرىن شامادان تىس جۇكتەمەڭىز جانە ىسكە قوسىلعان ەلەكتر اسپاپتارىن قاراۋسىز قالدىرماڭىز, زاقىمدالعان وقشاۋلاعىشى بار ەلەكتر سىمدارىن, قولدان جاسالعان جىلىتۋ اسپاپتارىن پايدالانباڭىز دەپ ەسكەرتكىمىز كەلەدى. وتپەن اباي بولىڭىز. ءورت شىققان جاعدايدا دەرەۋ «101» نەمەسە «112» تەلەفوندارى بويىنشا حابار بەرىڭىز», دەدى گلۋبوكوە اۋداندىق توتەنشە جاعدايلار ءبولىمى باستىعىنىڭ مىندەتىن اتقارۋشى كونستانتين بوروۆيكوۆ.
