وقيعا • 28 قىركۇيەك، 2021

اقتوبەدە جۇك كولىگى جاياۋ جۇرگىنشىنى قاعىپ كەتتى

29 رەت كورسەتىلدى

اقتوبەدە جۇك كولىگىنىڭ جۇرگىزۋشىسى جاياۋ جۇرگىنشىنى قاعىپ كەتتى، دەپ حابارلايدى Egemen.kz.

27 قىركۇيەكتە «كاماز» جۇك كولىگىنىڭ جۇرگىزۋشىسى تىركەمەسىمەن «مال بازار» اينالما قوزعالىسى جاعىنان جاڭاقونىس كەنتى باعىتىندا، وڭتۇستىك اينالما جولىمەن ءجۇرىپ كەلە جاتقاندا قوزعالىس ءۇشىن كەدەرگى جانە قاۋىپ تۋىنداعان كەزدە جىلدامدىقتى تومەندەتپەي، كەدەرگىنى قاۋىپسىز اينالىپ وتپەي، جولدىڭ ءجۇرۋ بولىگى بويىمەن ىلەسپە باعىتتا كەلە جاتقان 39 جاستاعى جاياۋ جۇرگىنشىنى قاعىپ كەتكەن.

جول-كولىك وقيعاسى سالدارىنان جاياۋ جۇرگىنشى وقيعا ورنىندا العان جاراقاتتارىنان كوز جۇمدى.

قر قك 345-بابى 3-بولىگى (جقە بۇزۋ) بويىنشا تەرگەۋ امالدارى جۇرگىزىلۋدە.

«جاياۋ جۇرگىنشىلەردىڭ جول اپاتىنان العان جاراقاتتارى كوبىنەسە اۋىر زارداپتارعا اكەلەدى. سوندىقتان جاياۋ جۇرگىنشى ەرەجەلەردى ءبىلۋى جانە قاتاڭ ساقتاۋى كەرەك. بەلگىلەنگەن ورىنداردا جولدى كەسىپ ءوتۋ، جارىق شاعىلىستىراتىن ەلەمەنتتەر كيۋ، جول جيەگىمەن تەك كولىك قوزعالىسىنا قاراي ءجۇرۋ. جول بولىگى ناشار بولسا دا، اسىرەسە قاراڭعى ۋاقىتتا جاياۋ جۇرگىنشى جولدىڭ بويىمەن جۇرمەۋى كەرەك. بۇل وتە قاۋىپتى»، دەپ تۇيىندەدى اتىعاي ارىستانوۆ.

 

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار