تاريح • 22 قىركۇيەك، 2021

28 تاريحي نىسان قايتا جاڭعىرتىلدى - ايدا بالاەۆا

42 رەت كورسەتىلدى

اقپارات جانە قوعامدىق دامۋ ءمينيسترى ايلا بالاەۆا قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەڭەيتىلگەن ماجىلىسىندە ەل بويىنشا 28 تاريحي نىسان قايتا جاڭعىرتىلعانىن ايتتى، دەپ جازادى Egemen.kz.

اقپارات ءمينيسترى «رۋحاني جاڭعىرۋ» باعدارلاماسى 2021 جىلدان باستاپ ۇكىمەت قاۋلىسىمەن ۇلتتىق جوبا رەتىندە دايىندالعانىن اتاپ ءوتتى. بالاەۆانىڭ ايتۋىنشا، جوبا اياسىندا ازىرلەنگەن شارالار جاس ەرەكشەلىگىنە قاراي توپتاستىرىلعان.

«بۇگىنگى تاڭدا باعدارلامانىڭ التى نەگىزگى باعىتى بويىنشا 16 ارنايى جوبا جۇزەگە اسىرىلىپ جاتىر. ولاردىڭ اراسىندا «تۋعان جەر»، «100 جاڭا ەسىم»، «كيەلى قازاقستان»، «100 جاڭا وقۋلىق» جوبالارى بار»، دەدى مينيستر.

ءمينيستردىڭ مالىمدەمەسىنە سۇيەنسەك، «تۋعان جەر» جوباسىنا 13 مىڭنان استام مەتسەنات قاتىسقان. ولار ەل اۋماعىندا 280 ملرد تەڭگەگە 7 مىڭعا جۋىق الەۋمەتتىك نىسان سالعان.

«كيەلى قازاقستان» جوباسى اياسىندا جالپىۇلتتىق ماڭىزى بار تانىمال ورىندار مەن نىسانداردىڭ ءتىزىمى كەڭەيتىلگەن.

«جالپىۇلتتىق ماڭىزى بار 2 مىڭنان استام نىسان جانە وڭىرلىك ماڭىزى بار 500-دەن استام نىسان انىقتالىپ، ەلىمىزدىڭ كيەلى جەرلەرىنىڭ كارتاسى مەن ەكى تومدىق ەنتسيكلوپەدياسى جاريالاندى. ەل بويىنشا 28 تاريحي نىسان قايتا جاڭعىرتىلىپ، «بوزوق»، «بوتاي» جانە «سارايشىق» مۇراجاي-قورىقتارى اشىلدى»، دەدى مينيستر.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار