فوتو: facebook.com/daniyar.meirkhan
ونىڭ ايتۋىنشا, ءىس «ستالكينگ» بابى بويىنشا تەرگەلگەن. الايدا كەيىن قىلمىستىق ءىس وندىرىستەن قىسقارتىلعان.
«دانيار مەيىرحانعا قاتىستى قىلمىستىق ءىس ستالكينگ فاكتىسى بويىنشا تەرگەلدى. قازىرگى تاڭدا ءىس توقتاتىلدى. دەگەنمەن سوتتا جەكە ايىپتاۋ تارتىبىمەن بەرىلگەن ماتەريالدار قارالىپ جاتىر. وعان قاتىستى پىكىر بىلدىرۋگە قۇقىعىم جوق», دەدى سانجار ءادىلوۆ.
سوت كابينەتىندەگى مالىمەتكە سايكەس, ەكس-كوميتەت توراعاسىنا قاتىستى جەكە ايىپتاۋ ءىسىن استاناداعى اۋدانارالىق قىلمىستىق سوت قاراپ جاتىر.
دانيار مەيىرحان بيىل 8 ساۋىردە ءىىم ەسىرتكى قىلمىسىنا قارسى ءىس-قيمىل كوميتەتى توراعاسى قىزمەتىنەن شەتتەتىلگەن ەدى. ول بۇل لاۋازىمعا 2025 جىلدىڭ قىركۇيەگىندە تاعايىندالعان بولاتىن.
كەيىن, 24 ساۋىردە ىشكى ىستەر مينيسترلىگى مەيرحانعا قاتىستى شاعىم بويىنشا تەكسەرۋ ءالى اياقتالماعانىن حابارلادى. ۆەدومستۆو باسشىلىعىنا ارىزبەن ونىڭ ارىپتەستەرى جۇگىنگەن.
دانيار مەيىرحان ىشكى ىستەر ورگاندارىندا 2003 جىلدان بەرى قىزمەت ەتكەن. ونىڭ ەسىمى بۇعان دەيىن دە بىرنەشە داۋلى وقيعامەن بايلانىستى اتالعان.
2019 جىلى ول تۇركىستان قالالىق پوليتسيا باسقارماسى باسشىسى قىزمەتىنەن شەتتەتىلىپ, كەيىن تۇلكىباس اۋداندىق پوليتسيا ءبولىمىن باسقارعان. ال 2022 جىلدىڭ كوكتەمىندە الاياقتىق جاسادى دەگەن كۇدىكپەن ۇستالعان. كەيىن سىبايلاس جەمقورلىققا قارسى قىزمەت قىلمىستىق قۇقىقبۇزۋشىلىق قۇرامى بولماعاندىقتان ءىستى جاپقان.
2023 جىلدىڭ قىركۇيەگىندە دانيار مەيىرحان شىمكەنت قالاسى پاترۋلدىك پوليتسيا پولكىنىڭ كومانديرى قىزمەتىنەن بوساتىلعان ەدى. سول كەزدە ول دەپارتامەنت جۇمىسىن تەكسەرۋدى تالاپ ەتىپ, جۇيەلى جەمقورلىق بەلگىلەرى تۋرالى بىرنەشە رەت باسشىلىققا حابارلاعانىن مالىمدەگەن بولاتىن.
