فوتو: اقوردا
پرەزيدەنتتىڭ ايتۋىنشا, ەلدىڭ ەكونوميكالىق دامۋىن جەدەلدەتۋ ماقساتىندا قارجى سالاسى مەن قارقىندى داميتىن قالالار ءۇشىن ارناۋلى قۇقىقتىق رەجيم قاراستىرىلعان.
«بىراق بوساڭسۋعا بولمايدى. تاباندى جۇمىس ىستەپ, بۇدان دا بيىك بەلەستەرگە ۇمتىلۋىمىز كەرەك. بۇعان ەلىمىزدىڭ الەۋەتى تولىق جەتەدى. اتاپ ايتقاندا, جاڭا كونستيتۋتسياعا مەملەكەتىمىزدىڭ ينۆەستيتسيالىق قۋاتىن كۇشەيتۋگە ارنالعان ناقتى نورمالار قوسىلدى. سونىڭ ىشىندە قارجى سالاسىنا جانە «قارقىندى داميتىن قالالارعا» ارناۋلى قۇقىقتىق رەجيم ەنگىزۋ تۋرالى شەشىم قابىلداندى. بارشاڭىزعا ءمالىم, مەن جاقىندا «الاتاۋ قالاسىنىڭ ارناۋلى قۇقىقتىق رەجيمى تۋرالى» كونستيتۋتسيالىق زاڭعا قول قويدىم», دەدى قاسىم-جومارت توقاەۆ.
️مەملەكەت باسشىسى: قازاقستان شەتەل ينۆەستيتسياسىن تارتۋ كورسەتكىشى بويىنشا ايماقتا كوش باستاپ تۇر
مەملەكەت باسشىسى قۇجات «اقىلدى قالاعا» ءتان دەربەس ەكوجۇيەنى قالىپتاستىرۋدىڭ قۇقىقتىق نەگىزىن بەكىتەتىنىن اتاپ ءوتتى.
«بۇل ماڭىزدى قۇجاتتا «اقىلدى قالاعا» ءتان دەربەس ەكوجۇيە قالىپتاستىرۋدىڭ قۇقىقتىق نەگىزى بەكىتىلدى. ارنايى قۇقىقتىق رەجيم مەملەكەتتىك باسقارۋ مۇمكىندىكتەرىن كەڭەيتۋدى, سونىڭ ىشىندە سوت جۇيەسىنىڭ ەرەكشە جۇمىس ىستەۋىن قامتاماسىز ەتەدى. الدىڭعى قاتارلى رەتتەۋ قۇرالدارى ۇزدىك الەمدىك تاجىريبەنى ەنگىزۋگە, وزىق يننوۆاتسيالىق شەشىمدەردى سىناقتان وتكىزۋگە جانە وسى بىرەگەي جوبانى جۇزەگە اسىرۋ ءۇشىن بارلىق قاجەتتى جاعدايدى جاساۋعا مۇمكىندىك بەرەدى. ءبىزدىڭ باستى ماقساتىمىز – الاتاۋ قالاسىن بولاشاقتىڭ تسيفرلىق اگلومەراتسياسىنا, جاڭا تەحنولوگيالاردى تارتۋ ورتالىعىنا اينالدىرۋ. مەملەكەت بيزنەس وكىلدەرىمەن اشىق, ءوزارا ءتيىمدى ىنتىماقتاستىققا دايىن», دەدى پرەزيدەنت.
ەسكە سالا كەتەيىك, بۇعان دەيىن مەملەكەت باسشىسى قاسىم-جومارت توقاەۆ الاتاۋ قالاسىنا ارناۋلى مارتەبە بەرۋ تۋرالى جارلىققا قول قويعان بولاتىن.
