«اكىمشىلىك ىستەر بويىنشا سوت تاجىريبەسى مەملەكەتتىك اپپارات جۇمىسىنىڭ ساپاسىن ايقىندايتىن سىناق بولدى. ونىڭ ناتيجەسى سوتقا دەگەن سەنىمنىڭ ارتا تۇسكەنىن كورسەتتى. اكىمشىلىك ادىلەت ءرولى نىعايىپ كەلەدى. كەيبىر ازاماتتار سوتتاردىڭ شەشىمىنە نارازىلىقتارىن ءبىلدىرىپ, ءوز ۇمىتتەرى اقتالماعاندارىن العا تارتادى. بۇل بۇعان دەيىن دە بولعان, قازىر دە كەزدەسەدى. مۇنداي شاعىمداردىڭ كوبى وكپە-رەنىشكە نەمەسە بىرجاقتى پىكىرگە قۇرىلادى. بىراق قانداي جاعداي بولسا دا مۇنداي پىكىرلەردى تەكسەرىپ, ءادىل شەشىم قابىلداۋ كەرەك. سوندىقتان جاڭا كونستيتۋتسيادا اكىمشىلىك سوت تورەلىگىن سوت ءىسىن جۇرگىزۋدىڭ دەربەس نىسانى رەتىندە بەكىتۋدىڭ ماڭىزى زور», دەدى پرەزيدەنت.
مەملەكەت باسشىسى كۇن تارتىبىندە سوتقا شاعىمدانۋدىڭ قاساڭ مودەلىن سوت ءىسىن جۇرگىزۋ تاۋەكەلدەرىن ستراتەگيالىق باسقارۋعا اۋىستىرۋ قاراستىرىلىپ وتىرعانىن ايتتى. ۇكىمەت قازىردىڭ وزىندە ءتيىستى ەرەجەلەردى ازىرلەگەن.
«ەندى ورتالىق جانە جەرگىلىكتى دەڭگەيدە اكىمشىلىك اكتىلەر مەن راسىمدەردىڭ بىرىزدىلىگىن قامتاماسىز ەتۋ قاجەت. بۇرىن كەلىپ تۇسكەن شاعىمدار مەن وتىنىشتەردە قارالعان ماسەلەلەر قايتادان سوتتاعى داۋ-داماي نىساناسى بولماۋى كەرەك. اكىمشىلىك تاجىريبەنىڭ جۇيەلىلىگى مەن تۇراقتىلىعىن قامتاماسىز ەتۋ قاجەت. جاريا قۇقىقتىق سيپاتتاعى داۋ-دامايدى اكىمشىلىك سوت تورەلىگى دەڭگەيىنە بەرۋ بويىنشا اۋقىمدى جۇمىس اتقارىلىپ جاتىر. بىلتىر بۇل قوسىمشا قۇقىقتىق-نورماتيۆتىك اكتىلەردىڭ زاڭدىلىعىن قارايتىن ىستەردى قامتىدى. بۇعان دەيىن مۇنداي داۋ-دامايعا قاتىستى شەشىم ازاماتتىق ءىس جۇرگىزۋ نورمالارىنا سايكەس قابىلدانىپ كەلگەن», دەدى ق.توقاەۆ.
قاسىم-جومارت توقاەۆ: مەملەكەت پەن قوعام تۇتاستىعىن نىعايتۋ – الدىڭعى قاتارداعى مىندەتتىڭ ءبىرى
ەسكە سالا كەتەيىك, مەملەكەت باسشىسى ەلوردادا «اكىمشىلىك ادىلەت جانە ونىڭ قۇقىق ۇستەمدىگىن قامتاماسىز ەتۋ ىسىندەگى ءرولى» اتتى حالىقارالىق فورۋمىنا قاتىستى.
