فوتو: اشىق دەرەككوز
ۆەدومستۆونىڭ حابارلاۋىنشا, ەسەپتى كەزەڭدە مەملەكەتتىك شەكارا ارقىلى تاۋارلار مەن جۇكتەردى زاڭسىز وتكىزۋدىڭ 1 180 فاكتىسىنىڭ جولى كەسىلگەن.
60 ملن تەڭگەنىڭ جانار-جاعارمايى: شەكارادا زاڭسىز مۇناي تاسىمالىنىڭ جولى كەسىلدى
ۇقك شەكارا قىزمەتىنىڭ ءبىر ايلىق جۇمىس قورىتىندىسى بويىنشا انىقتالعان نەگىزگى دەرەكتەر:
- ەسىرتكى زاتتارى: 41 فاكتى تىركەلدى.
- قارۋ مەن وق-ءدارى: 61 فاكتى انىقتالدى (2 بىرلىك اتىس قارۋى, 42 بىرلىك سۋىق قارۋ جانە 118 بىرلىك وق-ءدارى).
- جانار-جاعارماي (ججم): كولەمى 85 توننادان اساتىن 406 فاكتى اشكەرەلەندى.
- حالىق تۇتىناتىن تاۋارلار: جالپى سوماسى 665 ملن تەڭگەدەن استام قۇرايتىن 526 فاكتى انىقتالدى.
- شەتەل ۆاليۋتاسى: جالپى سوماسى شامامەن 1,5 ملرد تەڭگەنى قۇرايتىن زاڭسىز ۆاليۋتا تاسىمالىنىڭ 146 فاكتىسىنىڭ الدى الىندى.
سونىمەن قاتار كاسپي سۋ ايدىنىندا زاڭسىز بالىق اۋلاۋمەن اينالىسۋدىڭ 12 فاكتىسى انىقتالعان. تەكسەرىس بارىسىندا براكونەرلىك قۇرالدار مەن بەكىرە تۇقىمداس بالىقتار تاركىلەندى. مەملەكەتكە كەلتىرىلگەن شىعىن كولەمى شامامەن 210 ملن تەڭگەدەن اسادى.
ۇقك شەكارا اكادەمياسىنا بازالىق ۇيىم مارتەبەسىن بەرۋ تۋرالى ەرەجە بەكىتىلدى
اتالعان قۇقىق بۇزۋشىلىقتار بويىنشا شەكارا قىزمەتى تاراپىنان 62 قىلمىستىق ءىس قوزعالىپ, قازىرگى ۋاقىتتا تەرگەۋ شارالارى جۇرگىزىلىپ جاتىر. ال قالعان فاكتىلەر بويىنشا ءتيىستى ماتەريالدار پروتسەسسۋالدىق شەشىمدەر قابىلدانۋى ءۇشىن قۇقىق قورعاۋ جانە سوت ورگاندارىنا جولداندى.
