فوتو: اقوردا
پرەزيدەنت 2019 جىلى اكىمشىلىك ادىلەتتىڭ جاڭا ۇلگىسىن ەنگىزۋ قاجەتتىگى كوتەرىلگەنىن ەسكە سالىپ, بۇل باستاما ازاماتتار مەن كاسىپكەرلەردىڭ قۇقىقتارىن قورعاۋعا باعىتتالعان ماڭىزدى قادام بولعانىن ايتتى.
«وزدەرىڭىزگە ءمالىم, مەن 2019 جىلى اكىمشىلىك ادىلەتتىڭ جاڭا ۇلگىسىن قابىلداۋ قاجەتتىگى جونىندە ايتتىم. بۇل ازاماتتارىمىزدى جانە كاسىپكەرلەردى بيلىك وكىلدەرىنىڭ زاڭسىز ارەكەتتەرىنەن قورعاۋ ءۇشىن جاسالعان اسا ماڭىزدى قادام بولدى. ال 2021 جىلى ەلىمىزدە اكىمشىلىك راسىمدىك-پروتسەستىك كودەكس كۇشىنە ەندى. مەملەكەت پەن قوعام اراسىنداعى بايلانىسقا تىڭ سەرپىن بەرگەن «ە-ءوتىنىش» ونلاين پلاتفورماسى ىسكە قوسىلدى, ياعني, ازاماتتاردىڭ وتىنىشتەرىن مەيلىنشە اشىق ءارى ءتيىمدى قاراپ, جەدەل شەشىم قابىلداۋ ءتاسىلى قالىپتاستى. بۇدان بولەك, بۇل جۇيە بيۋروكراتيالىق كەدەرگىلەردى ازايتۋعا جانە جۇرتشىلىقتىڭ وي-پىكىرىن ەسكەرۋگە مول مۇمكىندىك بەردى. وسىلايشا, حالىق پەن بيلىك وكىلدەرىنىڭ قارىم-قاتىناسى مۇلدە جاڭا سيپاتقا يە بولدى. سوڭعى بەس جىل ىشىندە مەملەكەتتىك ورگاندارعا شامامەن 16 ميلليون ءوتىنىشتىڭ كەلىپ ءتۇسۋى – سونىڭ ايقىن كورىنىسى», دەدى قاسىم-جومارت توقاەۆ.
پرەزيدەنت, قۇرىلتاي جانە حالىق كەڭەسى: توقاەۆ جاڭا زاڭدارعا قول قويدى
ەسكە سالا كەتەيىك, مەملەكەت باسشىسى ەلوردادا «اكىمشىلىك ادىلەت جانە ونىڭ قۇقىق ۇستەمدىگىن قامتاماسىز ەتۋ ىسىندەگى ءرولى» اتتى حالىقارالىق فورۋمىنا قاتىستى.
