فوتو: اقوردا
«ەڭ الدىمەن, بارشاڭىزدى القالى جيىننىڭ اشىلۋىمەن قۇتتىقتايمىن! قادىرلى مەيماندارعا وسى فورۋمعا ارنايى كەلگەندەرى ءۇشىن العىس ايتامىن. سىزدەردى استانا تورىندە كورگەنىمە ريزامىن.
جاڭا عانا فورۋم تاقىرىبى بويىنشا وزەكتى ويلار مەن قۇندى پىكىرلەر ايتىلدى. الداعى ۋاقىتتا ۇكىمەت بۇل جۇمىستى مىندەتتى تۇردە نازاردا ۇستايدى. شىن مانىندە, بۇگىنگى جيىننىڭ ءمان-ماڭىزى ايرىقشا», دەدى پرەزيدەنت.
قاسىم-جومارت توقاەۆ اتاپ وتكەندەي, مەملەكەت پەن قوعام تۇتاستىعىن نىعايتۋ – قازاقستان ءۇشىن الدىڭعى قاتارداعى مىندەتتىڭ ءبىرى. ەلىمىز تۇراقتى دامۋى ءۇشىن حالىق پەن بيلىك اراسىندا ءوزارا سەنىم جانە كەلىسىم بولۋى كەرەك. بۇل – مىزعىماس قاعيدا.
«بىراق مۇنداي كەلىسىم وزدىگىنەن پايدا بولمايتىنى انىق. قوعامدىق كەلىسىم, بۇل – كوپقىرلى تاباندى جۇمىستىڭ ناتيجەسى. سوندىقتان مەن پرەزيدەنت رەتىندە وسى وتە وزەكتى ماسەلەگە باسا ءمان بەرەمىن», دەدى پرەزيدەنت.
مەملەكەت باسشىسى «حالىق ۇنىنە قۇلاق اساتىن مەملەكەت» تۇجىرىمداماسىنىڭ جۇزەگە اسىرىلا باستاعانىن تىلگە تيەك ەتتى.
«اشىق ديالوگ جۇرگىزۋ, ازاماتتاردىڭ مۇڭ-مۇقتاجىن ەسكەرىپ, ارىز-شاعىمىنا دەر كەزىندە جاۋاپ بەرۋ ەلدەگى تۇبەگەيلى وزگەرىستەردىڭ وزەگى سانالادى. وسى ماڭىزدى جۇمىسقا بيلىكتىڭ ءار دەڭگەيدەگى وكىلدەرى, سونىڭ ىشىندە مينيسترلەر, اكىمدەر, دەپۋتاتتار بەلسەندى تۇردە قاتىسۋى كەرەك. بۇل – مەملەكەتتىك قىزمەتشىلەردىڭ كونستيتۋتسيالىق مىندەتى», دەدى مەملەكەت باسشىسى.
پرەزيدەنت, قۇرىلتاي جانە حالىق كەڭەسى: توقاەۆ جاڭا زاڭدارعا قول قويدى
