پرەزيدەنت ورتالىققا «Turkic ai» اتاۋىن بەرىپ, ونى Alem.ai ورتالىعىندا ورنالاستىرۋعا بولاتىندىعىن اتاپ ءوتتى. سونداي-اق قاسىم-جومارت توقاەۆ جاساندى ينتەللەكت پەن وزىق تەحنولوگيا داۋىرىندە رۋحاني جانە مادەني قۇندىلىقتاردى نازاردان تىس قالدىرماۋ قاجەتتىگىنە توقتالدى.
«تۇركى وركەنيەتىنىڭ مول مۇراسىن ساقتاۋ جانە ونى زەردەلەۋ – تاريحي جادىنى جاڭعىرتۋ ماسەلەسى عانا ەمەس. بۇل – ءبىزدىڭ بىرەگەي بولمىسىمىزدى, بىرلىگىمىزدى جانە ىنتىماقتاستىعىمىزدى كورسەتەتىن ماڭىزدى فاكتور. وسى ورايدا مەن تۇركى وركەنيەتىنىڭ مۇراسىن ساقتاۋ جونىندەگى كونۆەنتسيا جوباسىن پىسىقتاۋ تۋرالى ۇسىنىستى قولداۋعا شاقىرامىن. بۇل قۇجات تۇركى حالىقتارىنىڭ تاريحي-مادەني مۇراسىن ساقتاۋ جانە دارىپتەۋ ىسىنە قۇقىقتىق نەگىز بولادى. سونداي-اق يۋنەسكو-نىڭ وسى سالاداعى قىزمەت اياسىن كەڭەيتە تۇسۋگە ىقپال ەتەدى», دەدى مەملەكەت باسشىسى.
قاسىم-جومارت توقاەۆ تمۇ اياسىندا بىرلەسە ىسكە اسىرۋعا بولاتىن بىرقاتار ۇسىنىستى ورتاعا سالدى
سونداي-اق پرەزيدەنت تۇركى حالىقتارىنىڭ تاريحى مەن مادەنيەتىنە قاتىستى ماتەريالداردى جيناقتايتىن جاساندى ينتەللەكت نەگىزىندەگى ارنايى تسيفرلىق پلاتفورمانى قۇرۋدى ۇسىندى. بۇدان بولەك, سامميت وتىرىسىندا قاسىم-جومارت توقاەۆ تۇركى تىلدەرىنە ورتاق تەرمينولوگيالىق نەگىز قالىپتاستىرۋ قاجەتتىگىن ايتتى.
