بولعان وقيعانىڭ ۆيدەوسى الەۋمەتتىك جەلىلەردە تارادى. كادردا سىعاناق داڭعىلى مەن تولە بي كوشەسىنىڭ قيىلىسىندا Toyota RAV4 كولىگى ۆەلوسيپەدپەن كەلە جاتقان ءجاسوسپىرىمدى قاعىپ كەتكەنى كورىنەدى. سوققىدان بالا قۇلاپ, اياعىنداعى اياق كيىمى ۇشىپ كەتكەن. الايدا ونىڭ اۋىر جاراقات الماعانى بايقالادى. سەبەبى ول وزدىگىنەن ورنىنان تۇرعان. وسىدان كەيىن جۇرگىزۋشى كولىكتەن شىقپاستان جولىن جالعاستىرىپ كەتە باردى.
شىعىس قازاقستاندا ۆەلوسيپەدشىلەر توبىن كولىك قاعىپ كەتتى
استانا قالالىق پوليتسيا دەپارتامەنتى جول-كولىك وقيعاسىنا كىنالى جۇرگىزۋشىنىڭ انىقتالعانىن حابارلادى.
«Toyota RAV4 اۆتوكولىگىنىڭ جۇرگىزۋشىسى انىقتالدى. رەتتەلەتىن جاياۋ جۇرگىنشىلەر وتكەلىنەن ءوتۋ كەزىندە ول باعدارشامنىڭ رۇقسات ەتىلگەن بەلگىسىمەن جولدان ءوتىپ بارا جاتقان جاياۋ جۇرگىنشىنى قاعىپ كەتكەن», – دەلىنگەن حابارلامادا.
اتالعان جول-كولىك وقيعاسى بويىنشا تەكسەرۋ جۇرگىزىلىپ جاتىر. ونىڭ ناتيجەسى بويىنشا ءتيىستى شارالار قابىلدانادى. كولىك كوممۋنالدىق ايىپ تۇراعىنا قويىلدى.
