فوتو: اقوردا
«اتاپ ايتقاندا, تۇركى مەملەكەتتەرى ۇيىمىنىڭ تسيفرلىق مونيتورينگ جانە تسيفرلىق يننوۆاتسيالار ورتالىقتارىن قۇرۋدى ۇسىندىم. بۇل ورتالىقتار ۇيىمعا مۇشە مەملەكەتتەردىڭ ءوسىپ-وركەندەۋىنە تسيفرلىق تۇرعىدان تىڭ مۇمكىندىكتەر بەرەدى.
بۇدان بولەك, سول القالى جيىندا كيبەرقاۋىپسىزدىك جونىندەگى كەڭەس قۇرۋ قاجەت ەكەنىن ايتتىم. مۇنداي كەڭەس ەلدەرىمىزدىڭ تسيفرلىق الەمىندەگى وسال تۇستاردى انىقتاپ, ينفراقۇرىلىمعا تونەتىن قاۋىپتىڭ الدىن الۋعا ىقپال ەتەدى.
وسى قۇرىلىم ارقىلى ۇيىمعا مۇشە ەلدەردىڭ ءتيىستى ورگاندارى جەدەل اقپارات الماسا وتىرىپ, جۇمىس ىستەي الادى», دەدى مەملەكەت باسشىسى.
پرەزيدەنتتىڭ ايتۋىنشا, قازاقستان بۇل باستامالار بويىنشا ءتيىستى تۇجىرىمدامالاردى ازىرلەپ, ۇيىمعا مۇشە مەملەكەتتەرگە كەلىسۋ ءۇشىن جولدادى.
«اتالعان ناقتى شارالاردىڭ ءبارى دە ەلدەرىمىزدىڭ ورتاق مۇددەسىنە ساي كەلەدى. سوندىقتان وسى باعىتتا ءتيىمدى جانە بەلسەندى ارەكەت ەتەمىز دەپ ويلايمىن», دەدى پرەزيدەنت.
پرەزيدەنت: الماعايىپ كەزەڭدە تۇركى مەملەكەتتەرىنىڭ اۋىزبىرشىلىكتە بولۋى – وتە ماڭىزدى
سونىمەن قوسا, تسيفرلىق قولتاڭبانى ءوزارا تانۋ, عارىش سالاسىن بىرلەسە يگەرۋ تۋرالى ءسوز قوزعالىپ, پرەزيدەنت تمۇ اياسىندا بىرلەسە ىسكە اسىرۋعا بولاتىن بىرقاتار ۇسىنىستى ورتاعا سالدى.
«بىرىنشىدەن, ساۋدا-ەكونوميكا سالاسى بويىنشا ۇيىمعا مۇشە ەلدەر اراسىندا ەلەكتروندىق قۇجاتتار مەن تسيفرلىق قولتاڭبانى ءوزارا تانۋعا قاتىستى جۇمىستى بىرلەسە جۇرگىزگەن ءجون.
ەكىنشى ماسەلە: عارىش سالاسى – تۇركى مەملەكەتتەرىنىڭ باسەكەگە قابىلەتىن ارتتىرۋعا ىقپال ەتەتىن نەگىزگى فاكتوردىڭ ءبىرى», دەدى قاسىم-جومارت توقاەۆ.
پرەزيدەنتتىڭ ايتۋىنشا, بۇل باعىتتى جۇيەلى تۇردە دامىتۋ ءۇشىن ەلدەرىمىزدىڭ عىلىمي, تەحنولوگيالىق جانە قارجىلىق الەۋەتى جەتكىلىكتى.
«اسىرەسە, سپۋتنيك بايلانىسى, ناۆيگاتسيا جانە مونيتورينگ سالاسىندا بىرلەسكەن جوبالاردى جۇزەگە اسىرىپ, ىقپالداستىعىمىزدى كەڭەيتە ءتۇسۋ قاجەت.
سول ارقىلى تەحنولوگيالىق دەربەستىگىمىزدى نىعايتىپ, يننوۆاتسيالىق الەۋەتىمىزدى ارتتىرۋعا مۇمكىندىك تۋادى. مىسالى, «CubeSat-12U» عىلىمي سپۋتنيگىن ىسكە قوسۋدىڭ ماڭىزدىلىعىن اتاپ وتۋگە بولادى», دەدى مەملەكەت باسشىسى.
مەملەكەت باسشىسى: تۇركى تىلدەرىنە ورتاق تەرمينولوگيالىق نەگىز قالىپتاستىرۋ قاجەت
