سوت شەشىمىنە سايكەس, ول 140 ملن گريۆنا (شامامەن 3,2 ملن دوللار) كولەمىندە كەپىل ەنگىزسە, باقىلاۋدان بوساتىلىپ, سوتقا كەلۋ مىندەتتەمەسىن الادى.
كەپىل تولەنگەن جاعدايدا ەرماكقا كيەۆتەن كەتپەۋ, شەتەلدىك پاسپورتتارىن تاپسىرۋ جانە ءىس بويىنشا بىرقاتار تۇلعامەن, سونىڭ ىشىندە تيمۋر مينديچپەن, ۋكراينانىڭ بۇرىنعى ۆيتسە-پرەمەرى الەكسەي چەرنىشوۆپەن جانە استرولوگ ۆەرونيكا انيكيەۆيچپەن بايلانىس ورناتپاۋ مىندەتتەلەدى.
سوتتا ەرماك وزىندە ونداي قاراجات جوق ەكەندىگىن, الايدا «جەتكىلىكتى دوستار مەن تانىستار» بار ەكەنىن ايتىپ, ولاردىڭ كومەكتەسە الاتىنىنا ءۇمىت ءبىلدىردى.
سونىمەن قاتار ول تاعىلعان بارلىق ايىپتاردى جوققا شىعاردى.
زەلەنسكي: رەسەي شابۋىل وپەراتسيالارىن جوسپارلاپ, موبيليزاتسيانى كەڭەيتۋدى كوزدەپ وتىر
ايتا كەتەيىك, اندرەي ەرماك – ۋكرايناداعى جوعارى دەڭگەيلى ساياسي شەنەۋنىك رەتىندە تانىلىپ, ۆلاديمير زەلەنسكيدىڭ ەڭ جاقىن ساياسي كەڭەسشىلەرىنىڭ ءبىرى بولعان.
بۇعان دەيىن زەلەنسكي پۋتينمەن كەزدەسۋ بەيتاراپ اۋماقتا وتسە, كەلىسسوز وتكىزۋدىڭ مۇمكىندىگىن قاراستىراتىنىن ايتقان بولاتىن.
