جول جۇمىستارىمەن وبلىستىق جانە اۋداندىق ماڭىزى بار جولداردىڭ 214 شاقىرىمى قامتىلدى. بۇگىنگە دەيىن سونىڭ 120 شاقىرىمى جوندەلدى.
جولشىلار «قىرعىزستان شەكاراسىنا تاراز قالاسىنىڭ «وڭتۇستىك اينالما» اۆتوموبيل جولىن سالۋ» جوباسىن اياقتادى, «ەرنازار-قويگەلدى» اۋداندىق ماڭىزى بار اۆتوجول ۋچاسكەسىندە اپاتتى كوپىر سالۋ جۇمىستارى جۇرگىزىلۋدە. نىسان اعىمداعى جىلى پايدالانۋعا بەرىلەدى.
سونداي-اق, وڭىردە وبلىستىق ماڭىزى بار جول ۋچاسكەلەرىنە ورتاشا جوندەۋ جۇرگىزىلۋدە: «بەرلىك-مويىنقۇم-ۇلانكول», «كۇيىك-قاراباستاۋ-قاراتاۋ-جاڭاتاس-ساۋداكەنت», «اقكول-قويگەلدى», «تاراز-اسا-اقكول-ساۋداكەنت», «ب.مومىش ۇلى-كولتوعان-قوشقاراتا-قىزتوعان», «لۋگوۆوي بەكەتى-قوراعاتى-ءتاتتى», «تاراز-جەتىباي-تەگىستىك-ويىق», «اقكول-ويىق-ۇلانبەل», «قۇمارىق-قىزىلتۋ-اقىرتوبە», «قۇمارىق-يۋبيلەينوە», «تاراز-سارىكەمەر-تۇيمەكەنت-اقشولاق».
بۇدان بولەك, جوندەۋ جۇمىستارى اۋداندىق ماڭىزى بار جولداردا دا جۇرگىزىلىپ جاتىر. اتاپ ايتساق, «بەساعاش-يۋبيلەينىي», «قاراكەمەر-قاراساي باتىر-ەڭبەكشى», «سورتوبە-اۋقاتتى-قىزىلساي», «اقتوعان-قىزىل ديحان», «مەركى-تالدىبۇلاق», «قىزىل قىستاق-ارال قىستاق», «قوستوبە-بۋرىل» جانە «تاراز-تالاس بەكەتى» ۋچاسكەلەرى قامتىلدى. سونداي-اق, قورداي, قوجاعاپپار, شىنبۇلاق جانە جايلاۋكول اۋىلدارىنىڭ كىرەبەرىس جولدارى جوندەلدى.
سونىمەن قاتار, وبلىستا ەلدى مەكەندەردىڭ 136 كوشەسىنە ورتاشا جوندەۋ جۇمىستارى جۇرگىزىلۋدە, ونىڭ بارىسىندا ورتاشا جوندەۋمەن 230 شاقىرىمنان استام كوشە قامتىلدى.
وسىلايشا, جىل قورىتىندىسى بويىنشا جەرگىلىكتى جەلى جولدارىنىڭ 95%-ىن نورماتيۆتىك جاعدايعا كەلتىرۋ كوزدەلگەن.
