تاعايىنداۋ • 20 قىركۇيەك، 2021

جۋرناليست قىمبات دوسجان مەن ماقپال جۇماباي جاڭا قىزمەتكە تاعايىندالدى

639 رەت كورسەتىلدى

بۇگىن «قازاقستان» تەلەراديوكورپوراتسياسى باسشىلىعىنىڭ شەشىمىمەن جۋرناليست ماقپال جۇماباي «قازاقستان» تەلەراديوكورپوراتسياسى باسقارما ءتورايىمىنىڭ ورىنباسارى قىزمەتىنە تاعايىندالدى، دەپ حابارلايدى Egemen.kz.

ماقپال جۇماباي كورپوراتسيادا 13 جىلدان بەرى قىزمەت ەتىپ كەلەدى. «Qazaqstan تەلەارناسىنىڭ تاڭعى باعدارلامالار بىرلەستىگىنىڭ شەف-رەداكتورى، «Balapan» تەلەارناسىنىڭ شەف-رەداكتورى، پروديۋسەرى مىندەتتەرىن اتقاردى. 2018 جىلدان بۇگىنگە دەيىن «Balapan» تەلەارناسىنىڭ ديرەكتورى قىزمەتىن اتقارىپ كەلدى.

Balapan تەلەارناسىنىڭ ديرەكتورى بولىپ جۋرناليست، تەلەجۇرگىزۋشى قىمبات دوسجان تاعايىندالدى. قىمبات دوسجاننىڭ قازاق تەلەۆيزياسىندا 40 جىلعا جۋىق ۋاقىت تاجىريبەسى بار. «Qazaqstan» تەلەارناسى جاڭالىقتار قىزمەتىنىڭ پروديۋسەر-جۇرگىزۋشىسى، قازاق راديوسىنىڭ جۇرگىزۋشىسى، قازاق راديوسىنىڭ باس رەداكتورى مىندەتتەرىن اتقاردى. قازىرگى ۋاقىتتا «Qazaqstan» تەلەارناسىنداعى «قىمبات جاندار» اۆتورلىق الەۋمەتتىك باعدارلاماسىنىڭ جۇرگىزۋشىسى.

«تەلەراديوكورپوراتسيا سالادا، ونىڭ ىشىندە، كورپوراتسيا قۇرامىنداعى تەلە جانە راديوارنالاردا ۇزاق ۋاقىتتان بەرى قاجىرلى ەڭبەك ەتىپ كەلە جاتقان ماماندارعا ۇنەمى باسىمدىق بەرەدى. بۇگىنگى تاعايىنداۋلار دا وسى ۇستانىم بويىنشا جۇزەگە اسىپ وتىر»، دەدى باسقارما ءتورايىمى ءلاززات تانىسباي.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار