شقو تجد ءباسپاسوز قىزمەتىنىڭ حابارلاۋىنشا, ورمان شارۋاشىلىعىنىڭ قىزمەتكەرلەرى 17 قىركۇيەكتەن باستاپ, قاتونقاراعاي اۋدانىنداعى شىڭعىستاي ورمان شارۋاشىلىعىندا نايزاعاي تۇسۋىنەن شىققان ورتپەن كۇرەسۋدە.
ء«وتۋ جانە جەتۋ قيىن ۋچاسكەلەر ءورتتى ءسوندىرۋدى قيىنداتۋدا. ورمان شارۋاشىلىعىنىڭ قىزمەتكەرلەرى جانە ءورت سوندىرۋشىلەر جانعان جەرلەردەن جاياۋ ءوتىپ, ارنايى ريۋكزاك ءورت سوندىرگىشتەرىنىڭ كومەگىمەن سوندىرۋدە», دەپ ءتۇسىندىردى ءباسپاسوز قىزمەتىندە.
قازىرگى ۋاقىتتا اشىق ءورت جوق, تەك تۇتىندەۋدە. الدىن الا بولجام بويىنشا ءورت الاڭى 3,5 گا. ءتىلسىز جاۋمەن كۇرەسكە 74 ادام جانە 11 بىرلىكتەگى تەحنيكا جۇمىلدىرىلدى.
