قوستاناي وبلىسى پد ءباسپاسوز قىزمەتىنىڭ مالىمەتىنشە, 57 جاستاعى كاماز جۇرگىزۋشىسى كولىكتى باسقارا الماي, قارسى باعىتقا شىعىپ كەتكەن.
جۇك كولىگى 55 جاستاعى جۇرگىزۋشىنىڭ باسقارۋىنداعى «ۆاز-2106» اۆتوكولىگىمەن سوقتىعىسقان. سالدارىنان جەڭىل كولىك جۇرگىزۋشىسى وقيعا ورنىندا كوز جۇمسا, جولاۋشى اۋىر حالدە اۋرۋحاناعا جەتكىزىلدى. جول-كولىك وقيعاسىنىڭ سىزباسى جاسالدى.
كاماز جۇرگىزۋشىسى سپيرتتىك ىشىمدىك ىشپەگەن. قازىرگى ۋاقىتتا قر قك 345-بابىنىڭ 3-بولىگىندە كوزدەلگەن, ياعني «ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋ» بابىمەن سوتقا دەيىنگى تەرگەۋ باستالدى.
جىل باسىنان بەرى وبلىس اۋماعىندا 229 جكو بولدى, وندا 50 ادام قازا تاۋىپ, 261 ادام جاراقات الدى.
