وقيعا 15 قىركۇيەك ساعات 7:20-دا بولعان. س. سەيفۋللين كوشەسىنەن ب. مومىش ۇلى كوشەسىنە بارا جاتقان Hyundai ماركالى اۆتوكولىك جۇرگىزۋشىسى ءتورت ادامدى قاعىپ كەتكەن. وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتقا سايكەس, ەكى ادام قايتىس بولعان. تاعى ەكى ادام تاراز قالاسىنىڭ №1 اۋرۋحاناسىنا جەتكىزىلدى.
«اتالعان دەرەك بويىنشا قر قىلمىستىق كودەكسىنىڭ 345-بابى 4-بولىگىمەن سوتقا دەيىنگى تەرگەۋ امالدارى باستالدى. پوليتسيا قىزمەتكەرلەرى جوعارىدا اتالعان كولىك جۇرگىزۋشىسى 23 جاستاعى تاراز قالاسىنىڭ تۇرعىنىن انىقتاپ, ۇستادى», دەلىنگەن ۆەدومستۆو حابارلاماسىندا.
الەۋمەتتىك جەلىلەردە وقىس وقيعا بولعان ءسات تۇسىرىلگەن ۆيدەولار كەڭ تارالىپ جاتىر.
