بۇزاقىلىق فاكتىسى 8 قىركۇيەكتە ساعات 02:51 شاماسىندا «102» پۋلتىنە وبلىس ورتالىعىنىڭ ويىن-ساۋىق مەكەمەلەرىنىڭ ءبىرىنىڭ جانىندا توبەلەس بولىپ جاتقاندىعى تۋرالى تەلەفون حابارلاماسى كەلىپ تۇسكەن. وقيعا ورنىنا پاترۋلدىك پوليتسيا ەكيپاجدارى مەن جەدەل-تەرگەۋ توبى دەرەۋ جىبەرىلدى.
پوليتسەيلەر انىقتاعانداي, وقيعاعا قاتىسۋشىلار 19-23 جاس ارالىعىنداعى جاستار ويىن-ساۋىق مەكەمەسىندە بولعان. ماس كۇيىندە قاسكۇنەمدەردىڭ ءبىرى باسقا جاستاردىڭ كومپانياسىنا جاقىنداپ, جانجال تۋعىزدى. پوليتسيا قىزمەتكەرلەرىنىڭ جەدەل ارەكەتتەرىنىڭ ارقاسىندا جانجالعا قاتىسۋشىلار وقيعا ورنىندا ۇستالدى. بۇزاقىلىق ءىس-ارەكەتكە كۇدىك بويىنشا پوليتسياعا بارلىعى ءتورت ادام جەتكىزىلدى, ونىڭ ىشىندە بۇرىن بۇزاقىلىق ءۇشىن قىلمىستىق جاۋاپكەرشىلىككە تارتىلعان باس كۇدىكتى – 20 جاستاعى وبلىس ورتالىعىنىڭ تۇرعىنى.
قازىرگى ۋاقىتتا اتالعان فاكتى بويىنشا قر قك 293-بابى 3-بولىگى 2-تارماعى (بۇزاقىلىق) بويىنشا سوتقا دەيىنگى تەرگەۋ امالدارى جۇرگىزىلۋدە.
