بقو پوليتسيا دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا 9 قىركۇيەك كۇنى بايتەرەك اۋدانى اۋماعىندا بولعان.
ساعات 17.30-دا رەسپۋبليكالىق ماڭىزى بار ورال-اتىراۋ جولىنىڭ 35-شاقىرىمىندا 40 جاستاعى جۇرگىزۋشى باسقارعان «Mazda 3» اۆتوكولىگى اۋدارىلىپ قالعان.
سالدارىنان جۇرگىزۋشى جانە 34 جاستاعى جولاۋشى وقيعا ورنىندا قازا تاپتى. 30 جاستاعى تاعى ءبىر جولاۋشى اۋرۋحانانىڭ حيرۋرگيا بولىمىنە جاتقىزىلدى.
اۆتوكولىك ارنايى تۇراققا قويىلىپ, قىلمىستىق كودەكستىڭ 345-بابى 4-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر.
بقو پوليتسيا دەپارتامەنتى جۇرگىزۋشىلەرگە قىراعى بولىپ, جىلدامدىقتى اسىرماۋدى جانە جول ەرەجەسىن بۇزباۋ قاجەتتىگىن ەسكە سالادى.
