وقيعا اقتوبە قالاسىندا بولعان. «Lexus» اۆتوكولىگىنىڭ جۇرگىزۋشىسى 41-رازەزدەن زينچەنكو كوشەسى باعىتىمەن كەلە جاتىپ, قاراما-قارسى جولعا شىقتى. سول كەزدە بۇرىلماق بولعان گازەلدى كورمەي سوقتىعىستى. جول اپاتىنان كەيىن «Lexus» كولىگىنىڭ جۇرگىزۋشىسى توقتاماي, بەلگىسىز باعىتقا كەتىپ قالعان.
سالدارىنان سول ماشينانىڭ 29 جاستاعى جولاۋشىسى سالوننان ءتۇسىپ قالىپ, جول جيەگىنە قۇلاعان.
«جاراقات العان ادام اۋرۋحانانىڭ جانساقتاۋ بولىمىنە جاتقىزىلدى. ول العان جاراقاتىنان ەسىن جيماي, كوز جۇمدى. پوليتسيا قىزمەتكەرلەرى كەشەندى ىزدەۋ ءىس-شارالارىن جۇرگىزدى. ناتيجەسىندە 28 جاستاعى كولىك جۇرگىزۋشىسى ۇستالدى.
انىقتالعانداي, ول وسى جىلدىڭ مامىر ايىندا جۇرگىزۋشى كۋالىگىنەن ايىرىلعان. قازىر قىلمىستىق كودەكستىڭ «جول قوزعالىسى ەرەجەسىن بۇزۋ» بابى بويىنشا سوتقا دەيىنگى تەرگەۋ باستالدى. جۇرگىزۋشى اقتوبە قالاسى پب ۋاقىتشا ۇستاۋ يزولياتورىنا قامالدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
