فوتو: Sputnik.kz
وقىس وقيعاعا تاپ بولعان وتباسى رىسقۇلوۆ داڭعىلىنىڭ بويىندا ايالدامادا تۇرعان. ەرلى-زايىپتى سول جەردە ەكى كىشكەنتاي قىزدارىنىڭ كوزىنشە سوزگە كەلىپ قالادى. اشۋلى ايەل سول ساتتە جولعا جۇگىرىپ شىعىپ, بالالارىنىڭ كوزىنشە زىمىراعان كولىكتىڭ استىنا تۇسكەن. كەنەت جولعا جۇگىرىپ شىققان كەلىنشەكتى Toyota Camry كولىگى قاعىپ كەتتى.
اتالعان جاعدايدى قالالىق پوليتسيا دەپارتامەنتى راستادى. وقيعا تۇندە بولعان.
«8 قىركۇيەكتە, تۇنگى ۋاقىتتا Toyota Camry كولىگىندەگى ج ەسىمدى ازامات رىسقۇلوۆ داڭعىلىنىڭ بويىمەن باتىس باعىتتا ءجۇرىپ كەلە جاتىپ جاياۋ جۇرگىنشىنى قاعىپ كەتتى. جاياۋ جۇرگىنشى كەنەتتەن جولعا شىعىپ كەتكەن. وسى جول-كولىك وقيعاسى سالدارىنان دەنە جاراقاتىن العان جاياۋ جۇرگىنشى 4 -ءشى قالالىق كلينيكالىق اۋرۋحاناعا جەتكىزىلدى. بۇل فاكتى بويىنشا جەتىسۋ اۋداندىق پوليتسيا باسقارماسىنىڭ قىزمەتكەرلەرى تەرگەۋ جۇرگىزۋدە. جاعدايلار انىقتالۋدا», دەپ حابارلادى الماتى قالاسى دپ تەرگەۋ ءبولىمى.
وقيعا ورنىنا بارعان جەدەل جاردەم كولىگى اپاتقا تۇسكەن ايەلدى دەرەۋ اۋرۋحاناعا الىپ كەتتى. كەلىنشەك اۋىر دەنە جاراقاتتارىن العان. الماتى پوليتسياسى سوتقا دەيىنگى تەرگەۋ شارالارىن باستاپ, قاجەتتى ساراپتامالار تاعايىندالعان.
