ۇكىمەت • 07 قىركۇيەك، 2021

سىرتقى ساۋدا ساياساتى ماسەلەلەرىنە ارنالدى

85 رەت كورسەتىلدى

قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ءا.سمايىلوۆتىڭ باسشىلىعىمەن وتكەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ جونىندەگى ۆەدومستۆوارالىق كوميسسيا وتىرىسىندا ينفلياتسياعا قارسى ارەكەت ەتۋ جانە ەلدىڭ ىشكى ەكونوميكاسىن قولداۋ ماقساتىندا دايىن ءونىم وندىرۋگە قاجەتتى تاۋارلار مەن شيكىزاتتى ەكسپورتتاۋعا بىرقاتار تىيىم سالۋ تۋرالى شەشىم قابىلداندى.

ەت پەن ەت ونىمدەرىنىڭ ىشكى نارىقتاعى باعاسىن تۇراقتاندىرۋ، سونداي-اق مال باسىن كوبەيتۋ ماقساتىندا قازاق­ستان رەسپۋبليكاسىنىڭ ۇكىمەتى ءىرى قارا مەن ۇساق مالدىڭ اسىل تۇقىمدى تۇر­لەرىن ەكسپورتتاۋعا تىيىم سالۋدى ۇزارتتى. مۇنىمەن قوسا، شيكىزاتتىڭ جەتىسپەۋشىلىگىنەن بۇگىندە ەلىمىزدەگى كارتون جانە قاعاز ونەركاسىبى كاسىپورىندارى شيكىزات رەتىندە قايتا وڭدەلەتىن قاعازدى، كارتوندى جانە ماكۋلاتۋرانى پايدالانادى. وسىعان بايلانىستى ىشكى نارىقتا شيكىزات تاپشىلىعىنىڭ الدىن الۋ ءۇشىن ۇكىمەت 6 ايعا وسىنداي تاۋارلاردى ەلدەن اكەتۋگە ۋاقىتشا تىيىم سالادى.

سونداي-اق قازاقستاندا وتاندىق جيھاز جانە اعاش وڭدەۋ ونەركاسىبى وندى­رۋشىلەرىن قولداۋ ماقساتىندا دسپ ەكسپورتىن شەكتەۋ تۋرالى شەشىم قابىلداندى. ىشكى نارىقتاعى تاپشى­لىقتى جويۋ جانە بەنزين، ديزەل وتىنى مەن مۇناي ونىمدەرىنىڭ كەيبىر تۇرلەرىنىڭ باعاسىن تۇراقتاندىرۋدى قامتاماسىز ەتۋ ءۇشىن ۇكىمەت بۇل تاۋارلاردىڭ ەكسپورتىنا تىيىم سالۋ بويىنشا شەشىمىن ۇزارتتى.

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار