ونلاين-كونفەرەنتسياعا رەسپۋبليكالىق جاستار ۇيىمدارىنىڭ, وڭىرلىك جاستار رەسۋرستىق ورتالىقتارىنىڭ, عىلىمي-زەرتتەۋ ينستيتۋتتارىنىڭ, «نازارباەۆ ۋنيۆەرسيتەتىنىڭ» وكىلدەرى, سونداي-اق ساراپشىلار, جاس ساياساتتانۋشىلار, الەۋمەتتانۋشىلار, تاريحشىلار مەن ەكونوميستەر قاتىستى.
قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ماقسۇتبەك ايتماعانبەت, «قازاقستاننىڭ تەڭ قۇقىقتارى مەن تەڭ مۇمكىندىكتەرى ينستيتۋتى» قوعامدىق قورىنىڭ پرەزيدەنتى مارگاريتا وسكەمباەۆا مەملەكەت باسشىسىنىڭ وتباسى ينستيتۋتىن, ايەلدەردىڭ گەندەرلىك تەڭدىگىن جانە ەكونوميكالىق جانە ساياسي ۇستانىمدارىن نىعايتۋ جونىندەگى باستامالارىن اتاپ ءوتىپ, 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىن وزەكتەندىرۋ جۇمىسىنا قاتىسۋعا نيەت ءبىلدىردى.
پىكىرتالاس بارىسىندا جاستار ۇيىمدارىنىڭ باسشىلارى الەۋمەتتىك وسال وتباسىلاردان شىققان بالالاردى, دارىندى جاستار مەن جاس عالىمداردى قولداۋ مەملەكەتتىڭ الەۋمەتتىك ساياساتىنىڭ قوسالقى, ماڭىزدى جانە جۇيەلى قۇرامداس بولىگى بولادى دەگەن پىكىر ءبىلدىردى.
