اڭگىمە بارىسىندا تۇركيا مەن قىرعىزستان اراسىنداعى قارىم-قاتىناستى ودان ءارى دامىتۋ قادامدارى, سونداي-اق ايماقتىق ماسەلەلەر تالقىلاندى.
سادري جاپاروۆ تۇركيا مەملەكەتىنىڭ باسشىسىن تۇركيادا تويلاناتىن جەڭىس كۇنىمەن قۇتتىقتادى.
پرەزيدەنت ەردوعان سادىر جاپاروۆتى قىرعىزستان تاۋەلسىزدىگىنىڭ 30 جىلدىعىمەن قۇتتىقتادى.
تۇرىك باسشىسى تۇركيانىڭ قىرعىزستاننىڭ تاۋەلسىزدىگىن مويىنداعان جانە بىشكەكتە ەلشىلىگىن اشقان ءبىرىنشى ەل ەكەنىن ەسكە سالدى.
تۇركيا مەملەكەتىنىڭ باسشىسى تۇركيا باۋىرلاس قىرعىزستاننىڭ تۇراقتىلىعىنا, وركەندەۋى مەن دامۋىنا ءوز ۇلەسىن قوساتىنىنا سەندىردى.
ول كەيىنگى 30 جىلدا تۇركيا مەن قىرعىزستان اراسىنداعى قارىم-قاتىناس بارلىق سالادا دامىپ كەلە جاتقانىن ايتتى.
سونداي-اق 2021 جىلى ەكىجاقتى قارىم-قاتىناستاردىڭ ستراتەگيالىق سەرىكتەستىك دەڭگەيىنە كوتەرىلگەنىنە 10 جىل تولاتىنىن ەسكە سالدى.
