فوتو: Polisia.kz
بيىل بەس ايدا «قارۋ» جانە «قۇقىقتىق ءتارتىپ» جەدەل-پروفيلاكتيكالىق ءىس-شارالارى بارىسىندا قىلمىستىق اينالىمداعى 1200-دەن استام قارۋ تاركىلەندى.
ونىڭ ىشىندە:
- 18 اۆتومات;
- ەكى گراناتا اتقىش;
- 320-دان استام تاپانشا;
- 100-دەن استام ويىق ۇڭعىلى قارۋ;
- 700 تەگىس ۇڭعىلى مىلتىق;
- قاڭتار وقيعاسى كەزىندە قولدى بولعان 120 قارۋ دا بار.
«مامىر ايىندا الماتى قالاسى مەن الماتى وبلىسىندا تىركەلمەگەن بىرقاتار قارۋ تاركىلەندى. ولاردىڭ اراسىندا قاڭتار وقيعاسى كەزىندە وڭتۇستىك مەگاپوليستەگى قارۋ دۇكەندەرىنەن ۇرلانعان قارۋلار دا انىقتالدى. سونىمەن قاتار 20 ساۋىردەن باستاپ جىل سوڭىنا دەيىن حالىقتان زاڭسىز ساقتالعان اتىس قارۋىن, وق-دارىلەر مەن جارىلعىش زاتتاردى ساتىپ الۋ اكتسياسى جۇرگىزىلىپ جاتىر. بۇگىنگى كۇنى ازاماتتار شامامەن 750 ءتۇرلى قارۋ مەن 4 مىڭعا جۋىق وق-ءدارىنى ەرىكتى تۇردە تاپسىردى. ىشكى ىستەر مينيسترلىگى زاڭسىز ساقتالعان قارۋدى ءوز ەركىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالادى. ازاماتتاردى ساقتاۋعا زاڭدى نەگىز جوق قارۋدى تاپسىرىپ, قوعامدىق قاۋىپسىزدىكتى قامتاماسىز ەتۋگە ءوز ۇلەستەرىن قوسۋعا شاقىرامىز», دەدى ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.
ايتا كەتەيىك, بۇعان دەيىن سەمەيدە تۋىستارىنىڭ ۇيىنە قارۋ اسىنىپ بارعان ەر ادامنىڭ ۇستالعانى تۋرالى جازعان بولاتىنبىز.
