وبلىستىق توتەنشە جاعدايلار دەپارتامەنتىنىڭ مالىمەتىنشە, قايعىلى وقيعا 8 ماۋسىم كۇنى كەشكى ۋاقىتتا يندەر اۋدانىنا قاراستى بودەنە اۋىلى ماڭىندا بولعان. 1993 جىلى تۋعان ازامات بالىق اۋلاپ جۇرگەن كەزدە سۋعا باتىپ كەتكەن.
قۇتقارۋشىلار ەكى كۇن بويى ىزدەستىرۋ جۇمىستارىن جۇرگىزدى. ناتيجەسىندە 10 ماۋسىم كۇنى مارقۇمنىڭ دەنەسى وقيعا ورنىنان شامامەن 100 مەتر قاشىقتىقتان تابىلىپ, سۋدان شىعارىلدى.
ىزدەۋ جۇمىستارىنا توتەنشە جاعدايلار دەپارتامەنتىنىڭ 17 قىزمەتكەرى, ءتورت تەحنيكا جانە ءۇش ءجۇزۋ قۇرالى جۇمىلدىرىلدى. سونىمەن قاتار پوليتسيا قىزمەتكەرلەرى مەن جەرگىلىكتى تۇرعىندار دا كومەك كورسەتتى.
وسى وقيعاعا بايلانىستى قۇتقارۋشىلار تۇرعىنداردى سۋ ايدىندارىندا قاۋىپسىزدىك تالاپتارىن قاتاڭ ساقتاۋعا شاقىردى.
شومىلۋ ماۋسىمى باستالدى: سۋ ايدىندارىنداعى قاۋىپسىزدىك دەڭگەيى قانداي؟
ەسكە سالا كەتەيىك, بۇعان دەيىن باتىس قازاقستان وبلىسىندا وزەنگە باتىپ كەتكەن ءۇش مەكتەپ تۇلەگى تۋرالى حابارلانعان بولاتىن.
تۇركىستان وبلىسىندا دا ەكى اعايىندى بالا سۋعا باتىپ كەتتى.
