«سىر بويى» باسىلىمىنىڭ حابارلاۋىنشا, جول-كولىك وقيعاسى سالدارىنان №5 قالالىق ەمحانانىڭ جەدەل مەديتسينالىق كومەك بولىمشەسىنىڭ فەلدشەرى ج.وماروۆا مەن جەدەل جاردەم كولىگىنىڭ جۇرگىزۋشىسى ب.ماەنوۆ كوز جۇمدى.
تەكسەرۋ بارىسىندا «Toyota Land Crusier» اۆتوكولىگىنىڭ جۇرگىزۋشىسى «ورتا» دارەجەدەگى ماساڭ كۇيدە بولعانى انىقتالدى.
سونىمەن قاتار, بۇل ازامات قىزىلوردا قالاسىنىڭ مامانداندىرىلعان اكىمشىلىك سوتىنىڭ 2016 جىلعى قاراشا ايىنداعى شەشىمىمەن 5 جىلعا كولىك قۇرالىن باسقارۋ قۇقىعىنان ايىرىلعان.
قازىرگى تاڭدا جول-كولىك وقيعاسى بويىنشا قر قك-ءنىڭ 346-بابىنىڭ 6-بولىگىمەن (كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ, وسى باپتىڭ ءبىرىنشى بولىگىندە كوزدەلگەن, ابايسىزدا ەكى نەمەسە ودان كوپ ادام ولىمىنە الىپ كەلگەن ءىس-ارەكەتتەر) سوتقا دەيىنگى تەرگەپ-تەكسەرۋ امالدارى جۇرگىزىلۋدە.
«Toyota Land Cruiser» اۆتوكولىگىنىڭ جۇرگىزۋشىسى قىزىلوردا قالالىق پوليتسيا باسقارماسىنىڭ ۋاقىتشا ۇستاۋ اباقتاسىنا قامالدى.
ءتيىستى ساراپتامالار تاعايىندالعان. وقيعانىڭ ءمان-جايى انىقتالۋدا.
