قورعانىس ءمينيسترى وتستاۆكاعا كەتۋگە دايىن ەكەنىن مالىمدەدى

نۇرلان ەرمەكباەۆ 1963 جىلى 1 قاڭتاردا شىمكەنت قالاسىندا دۇنيەگە كەلگەن. 1986 جىلى كسرو قورعانىس مينيسترلىگىنىڭ اسكەري قىزىل تۋ ينستيتۋتىن ۇزدىك تامامداعان. 1996 جىلى قازاق مەملەكەتتىك ساۋلەت-قۇرىلىس اكادەمياسىن «ينجەنەر-ەكونوميست» ماماندىعى بويىنشا بىتىرگەن.

قازاقستان رەسپۋبليكاسى تاۋەلسىزدىك العاننان باستاپ 1991-1996 جىلدار ارالىعىندا قازاقستان رەسپۋبليكاسىنىڭ ەۋروپا جانە ازيا ەلدەرىندەگى سىرتقى-ەكونوميكالىق وكىلدىكتەرىندە جۇمىس ىستەدى.

ساياسي عىلىمدارىنىڭ كانديداتى. «قۇرمەت» جانە «پاراسات» وردەندەرىمەن, «لوكالدى جانجالدارعا قاتىسۋشىعا. انگولا», «سىرتقى بارلاۋعا قوسقان ۇلەسى ءۇشىن» مەدالدارىمەن جانە باسقا دا مەدالدارىمەن ماراپاتتالعان.

1996 جىلدان 2001 جىلعا دەيىن ەلىمىزدىڭ جەتەكشى ساۋدا-قارجى قۇرىلىمدارىندا باسشىلىق قىزمەت اتقاردى.

2001-2014 جىلدارى ديپلوماتيالىق قىزمەتتە بولىپ, قازاقستان رەسپۋبليكاسىنىڭ قحر, ۆەتنام, كحدر, سينگاپۋرداعى ەلشىلىكتەرىن باسقاردى. قر پرەزيدەنتىنىڭ حالىقارالىق ماسەلەلەر جونىندەگى كەڭەسشىسى, كومەكشىسى, قر سىرتقى ىستەر ءمينيسترىنىڭ ورىنباسارى بولدى.

2016-2018 جىلدارى – قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى. 2014-2016 جىلدار ارالىعىندا جانە 2018 جىلعى ءساۋىر – تامىز ارالىعىندا قازاقستان رەسپۋبليكاسى پرەزيدەنتىنىڭ كومەكشىسى-قاۋىپسىزدىك كەڭەسىنىڭ حاتشىسى بولىپ جۇمىس ىستەدى.

2018 جىلعى 7 تامىزدا قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى. 2018 جىلدىڭ تامىزىندا بۇكىلقازاقستاندىق قويان-قولتىق ۇرىس قاۋىمداستىعىنىڭ توراعاسى بولىپ سايلاندى.