الماتى قالاسىنىڭ ماەس ءباسپاسوز قىزمەتى سوتتا اگەنتتىك باسقارماسىنىڭ 2021 جىلعى 24 ماۋسىمداعى قاۋلىسى نەگىزىندە قازاقستان رەسپۋبليكاسىنىڭ زاڭناماسىن جۇيەلى تۇردە ء(ۇش جانە ودان دا كوپ رەت) بۇزعانى ءۇشىن بانك 2021 جىلعى 25 ماۋسىمنان باستاپ ليتسەنزياسىنان ايىرىلعانى جونىندە مالىمدەدى.
«اتاپ ايتقاندا, قازاقستان رەسپۋبليكاسىنىڭ ۇلتتىق بانكى باسقارماسىنىڭ «پرۋدەنتسيالدىق نورماتيۆتەردىڭ نورماتيۆتىك ماندەرى مەن ەسەپ ايىرىسۋ ادىستەمەلەرىن جانە ساقتالۋعا مىندەتتى وزگە دە نورمالار مەن ليميتتەردى, بانك كاپيتالىنىڭ مولشەرىن جانە اشىق ۆاليۋتالىق پوزيتسيانىڭ ەسەپ ايىرىسۋ ەرەجەلەرى مەن ليميتتەرىن بەلگىلەۋ تۋرالى» قاۋلىسىمەن بەلگىلەنگەن پرۋدەنتسيالدىق نورماتيۆتەردى بۇزۋ», دەپ حابارلادى الماتى قالاسى ماەس ءباسپاسوز قىزمەتى.
بانك بىرنەشە رەت اكىمشىلىك جاۋاپكەرشىلىككە تارتىلعان.
اگەنتتىك باسقارماسىنىڭ 2021 جىلعى 14 ماۋسىمداعى قاۋلىسىمەن بانك تولەمگە قابىلەتسىز بانكتەر ساناتىنا جاتقىزىلدى.
بانكتى تاراتۋ تۋرالى سوت شەشىمى كۇشىنە ەنگەننەن كەيىن بانكتىڭ تاراتۋ كوميسسياسى بانكتىڭ ىستەرىن اياقتاۋ جانە ونىڭ كرەديتورلارىمەن ەسەپ ايىرىسۋدى قامتاماسىز ەتۋ ءۇشىن شارالار قابىلدايتىن بولادى.
