جالدامالى پاتەرلەردە تۇرىپ, Telegram مەسسەندجەرى ارقىلى «سكوروست» جانە «مەف» دەپ اتالاتىن پسيحوتروپتىق زاتتاردى ساتۋمەن اينالىسقان 18 جانە 25 جاستاعى ايەلدەر توبى قۇقىق قورعاۋ ورگاندارىنىڭ نازارىنا ءتۇستى.
جالعىزباستى انا ءوزىنىڭ زاڭسىز ارەكەتىن ماۋسىم ايىندا باستاعان. ءبىراز ۋاقىتتان كەيىن ونىڭ اپكەسى دە وسى سحەماعا قوسىلعان. ءتىنتۋ بارىسىندا كۇدىكتىلەردەن شامامەن 2000-نان استام ءبىر رەتتىك دوزا, ياعني 700 گرامم سينتەتيكا تاركىلەندى. ولاردىڭ «قارا نارىقتاعى» باعاسى 11 ميلليون تەڭگەدەن اسادى.
بالالار ايەلدىڭ جاقىن تۋىستارىنا تاپسىرىلدى.
«تاركىلەنگەن سينتەتيكالىق ەسىرتكىنىڭ جالپى سالماعى شامامەن 700 گراممدى قۇرادى. كۇدىكتىلەرگە قاتىستى قر قك 296 جانە 297 باپتارى بويىنشا سوتقا دەيىنگى تەرگەۋ جۇرگىزىلۋدە, ولاردىڭ سانكتسيالارى 15 جىلعا دەيىن باس بوستاندىعىنان ايىرۋدى كوزدەيدى», دەدى شقو پوليتسيا دەپارتامەنتى باستىعىنىڭ ورىنباسارى تالعات شاياحمەتوۆ.
