شەكتەۋ ديپلوماتيالىق جانە قىزمەتتىك ۆيزالارعا قولدانىلمايدى. اۋعانستاننان كەلگەن ستۋدەنتتەرگە ۆيزا بەرۋ ماسەلەسى قاراستىرىلۋدا.
ەل بيلىگى اۋعانستاندا ۋاقىتشا جۇرگەن قىرعىز ازاماتتارىن ەۆاكۋاتسيالاۋ بويىنشا جۇمىستى جالعاستىرادى.
«23 تامىزدا ساعات 04.40-تا دوحا - دۋباي - بىشكەك رەيسىمەن 11 ازامات كەلدى. ولار بۇرىن اقش ۇيىمداستىرعان ارنايى رەيسپەن كاتارعا كوشىرىلگەن بولاتىن. ەلشىلىك جۇرگىزگەن كەلىسسوزدەردىڭ ناتيجەسىندە, جۇمىس بەرۋشىلەر قىرعىز رەسپۋبليكاسىنىڭ ازاماتتارىنا اۆيابيلەت الىپ بەردى. 22 تامىزدا قىرعىزستاننىڭ تاعى ءبىر ازاماتى كابۋلدان الماتىعا ارنايى رەيسپەن ەۆاكۋاتسيالاندى», دەپ حابارلادى قىرعىزستان ءسىم.
سونىمەن قاتار اقش اۋعانستاننان اسكەري جانە بوسقىنداردىڭ ءترانزيتىن قامتاماسىز ەتۋ تۋرالى وتىنىشپەن قىرعىزستانعا جۇگىنگەنى بەلگىلى بولدى. اقپاراتتى سىرتقى ىستەر مينيسترلىگى راستادى.
