«اتالعان جوبالار بويىنشا قالالىق كاسىپكەرلەر پالاتاسىنىڭ ديرەكتورى نۇرلان قابىشتاەۆ, قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ باياندادى», دەپ جازادى شىمكەنت قالاسى اكىمدىگىنىڭ ءباسپاسوز قىزمەتى.
كاسىپكەرلەر پالاتاسى ديرەكتورىنىڭ ايتۋىنشا, بۇگىندە «باستاۋ بيزنەس» كۋرسىن بىتىرگەندەرگە قولداۋ جەتكىلىكتى. ولارعا نەگىزىنەن ءۇش باعىتتا – ونەركاسىپ, ساۋدا جانە قىزمەت كورسەتۋ, اگروونەركاسىپ كەشەنى بويىنشا ءتۇرلى جەڭىلدىكتەر ۇسىنىلعان.
شاھاردا شاعىن جانە ورتا بيزنەس تيىمدىلىگىن ارتتىرۋدىڭ كەشەندى شەشىمدەرى قولعا الىندى. سونىڭ ءبىرى – كىشى يندۋستريالدى ايماقتار قۇرۋ. «باستاۋ بيزنەستە» وقىعان كاسىپكەرلەرگە كىشى يندۋستريالدى ايماقتان ورىن ۇسىنىلدى. باستى ارتىقشىلىعى – دايىن ساۋدا ورىندارى, جەڭىلدىك شارتتارىمەن جالعا الۋ جانە ينفراقۇرىلىمنىڭ قولجەتىمدىلىگى.
سونداي-اق, وڭىرلىك برەندتى دامىتۋ اياسىندا فرانشيزا جوبالارىنىڭ تيىمدىلىگىن ارتتىرۋ كوزدەلگەن. فرانشيزا – دايىن بيزنەس. وندا كاسىپتى تولىق سۇيەمەلدەۋ مۇمكىندىگى بار.
شتاب وتىرىسىندا شاعىن جانە ورتا بيزنەستى دامىتۋدا «ىسكەر قالا» وڭىرلىك باعدارلاماسىن قابىلداۋ, وڭىرلىك باعدارلاما قورىن قالىپتاستىرۋ بويىنشا قارجى كوزدەرىن قاراستىرۋ, «باستاۋ بيزنەس» كۋرسىن جەرگىلىكتى بيۋدجەتتەن قارجىلاندىرۋ بويىنشا ۇسىنىستار تالقىلاندى.
جالپى 2021-2023 جىلدارى قالادا 1000 ساۋدا نۇكتەسىمەن وڭىرلىك 50 برەندتى قالىپتاستىرۋ (3000 جۇمىس ورنى), 500 جەكە كاسىپكەرلىك نىسانى بويىنشا 4 كىشى يندۋستريالدى ايماق قۇرۋ (2,5 مىڭ جۇمىس ورنى) جوسپارلانعان. سونىمەن قاتار, 30 كووپەراتيۆ ۇيىمداستىرىپ, شارۋا قوجالىق سانىن 600-گە جەتكىزۋ نازاردا بولادى. جۇمىس ورنىنىڭ سانى – 1,5 مىڭ.
ايتا كەتسەك, بۇگىندە شاھاردا 69,5 مىڭ شاعىن كاسىپكەرلەرىك نىسان جۇمىس ىستەيدى: اباي اۋدانىندا – 24 177, ءال-فارابي اۋدانىندا – 16 551, ەڭبەكشى اۋدانىندا – 16 151 جانە قاراتاۋ اۋدانىندا – 12 651 نىسان بار.
بەلسەندى شاعىن جانە ورتا بيزنەس نىساندارىنىڭ سانىن بيىل 71 مىڭعا جەتكىزۋ كوزدەلگەن. ال 2023 جىلى 83 مىڭعا جەتكىزۋ جوسپارلانعان. بيىل قاڭتار-ناۋرىز ايىندا 222,1 ملرد تەڭگەنىڭ ءونىمى شىعارىلعان.
