قاۋىپسىزدىگى بارىنشا تومەن ەتس-166/10 مەكەمەسىنە سوتتالعاندار سالماعى ەكى گرامنان اساتىن «كاننابيس شايىرى» ەسىرتكى زاتتارىن الىپ ءوتۋ ارەكەتى انىقتالدى.
وسىلايشا, سوتتالۋشى جۇمىس وبەكتىسىنەن ورالعاننان كەيىن, جەكە تەكسەرۋ كەزىندە تومەنگى ءىش كيىمنەن ەسىرتكى زاتى بار پاكەت تابىلدى, ول ونى مەكەمە اۋماعىنا كىرگىزبەك بولعان.
اتالعان فاكتى بويىنشا قر قىلمىستىق كودەكسىنىڭ 296-بابى 2-بولىگى «ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ» بويىنشا قىلمىستىق ءىس قوزعالدى, وسى باپتىڭ سانكتسياسى 60 اەك مولشەرىندە ايىپپۇل سالۋدى نە سول مولشەردە تۇزەۋ جۇمىستارىن نە 60 ساعاتقا دەيىنگى مەرزىمگە قوعامدىق جۇمىستارعا تارتۋدى نە 40 تاۋلىككە دەيىن قاماۋعا الۋدى كوزدەيدى.
«سوتتالعانداردىڭ ەسىرتكى زاتتارىن, سونداي-اق سپيرتتىك ىشىمدىكتەردى تۇتىنۋىنىڭ الدىن الۋ بويىنشا جۇمىس مەكەمەنىڭ جەدەل-رەجيم قىزمەتتەرىنىڭ ەرەكشە باقىلاۋىندا. جەدەل اقپارات بويىنشا سوتتالعانداردىڭ ەسىرتكىنى قولدانۋى مەن تاراتۋىنىڭ, سونداي-اق مەكەمە ىشىندەگى باسقا دا توتەنشە وقيعالاردىڭ الدىن الۋعا بولادى», دەپ ءتۇسىندىردى مەكەمە باستىعىنىڭ ورىنباسارى نۇرسۇلتان ايتبەكوۆ.
